មន្ត្រីជាន់ខ្ពស់ចិនម្នាក់បាននិយាយប្រាប់បេសកជនមីយ៉ាន់ម៉ាម្នាក់ថា ប្រទេសមីយ៉ាន់ម៉ាត្រូវតែធានាឲ្យបាននូវបន្ថយកម្ដៅនៅតាមបណ្តោយព្រំដែនរបស់ខ្លួនជាមួយប្រទេសចិន ហើយគ្រប់ភាគីទាំងអស់ត្រូវតែធ្វើការអត់ធ្មត់ បន្ទាប់ពីមានការប៉ះទង្គិចគ្នា ដែលបានជំរុំឲ្យជនភៀសខ្លួនចូលក្នុងប្រទេសចិននោះ។
ប្រទេសមីយ៉ាន់ម៉ាបានចោទប្រកាន់ពួកទាហានស៊ីឈ្នួលចិនថាកំពុងប្រយុទ្ធជាមួយពួកឧទ្ទាមជនជាតិភាគតិចចិនប្រឆាំងនឹងរដ្ឋាភិបាលនៅភាគខាងជើងតំបន់កូកាង និងបានស្វែងរកកិច្ចសហប្រតិបត្តិការរបស់ប្រទេសចិនដើម្បីរារាំងការវាយប្រហាររបស់ពួកភេរវករដែលបានធ្វើចេញពីទឹកដីរបស់ខ្លួននោះ។
ការប្រយុទ្ធគ្នាបានផ្ទុះឡើងកាលពីខែមុនរវាងកងទ័ពរបស់ប្រទេសមីយ៉ាន់ម៉ា និងកងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា (MNDAA)ដែលជាពួកក្រុមសេសសល់របស់គណបក្សកុម្មុយនីស្តភូមា ជាកងកម្លាំងឧទ្ទាមដ៏មានអំណាចគាំទ្រដោយចិន ដែលបានប្រយុទ្ធប្រឆាំងនឹងរដ្ឋាភិបាលមុនមានការបែកបាក់នៅក្នុងឆ្នាំ១៩៨៩មក។
ពួកជនភៀសខ្លួនរាប់ពាន់នាក់បានចូលទៅក្នុងខេត្តយូណាន នៅភាគនិរតីរបស់ប្រទេសចិន ដែលភាគច្រើនធ្វើឲ្យរដ្ឋាភិបាលមិនសប្បាយចិត្ត៕
រឹទ្ធ
0 Comments