ជម្លោះមួយរវាងសហរដ្ឋអាមេរិក និងលោកបេនចាមីនណេតាន់យ៉ាហ៊ូ(Netanyahu) បានកើតឡើងដោយមេដឹកនាំអ៊ីស្រាអែលចោទប្រកាន់អាមេរិក និងអ្នកផ្សេងទៀតថាកំពុងបោះបង់អាវុធនុយក្លេអ៊ែរនោះ។
រដ្ឋមន្ត្រីការបរទេសសហរដ្ឋអាមេរិកលោកចនឃែរី(Kerry) បានចោទសួរពីការវិនិច្ឆ័យរបស់លោកណេតាន់យ៉ាហ៊ូ ស្ដីពីបញ្ហានេះ។
ពួកមេដឹកនាំសាធារណរដ្ឋបានអញ្ជើញលោកណេតាន់យ៉ាហ៊ូឲ្យធ្វើសេចក្ដីថ្លែងការណ៍ទៅកាន់សភាកុងក្រោសនៅសប្ដាហ៍ក្រោយ ដោយធ្វើឲ្យពួកប្រជាធិបតេយ្យខឹងសំបារ។
ថ្មីៗនេះ ទីប្រឹក្សាសន្តិសុខជាតិសហរដ្ឋអាមេរិកលោកស្រីស៊ូសាន រ៉ៃស៍ (Susan Rice) បាននិយាយថា ទស្សនកិច្ចរបស់លោកណេតាន់យ៉ាហ៊ូនឹងបំផ្លាញដល់របៀបរៀបចំទំនាក់ទំនង។
នៅក្នុងសេចក្ដីថ្លែងការណ៍មួយក្នុងប្រទេសអ៊ីស្រាអែលលោកណេតាន់យ៉ាហ៊ូនិយាយថា សហរដ្ឋអាមេរិក និងប្រទេសផ្សេងៗទៀតកំពុងទទួលស្គាល់ថា ប្រទេសអ៊ីរ៉ង់នឹងដើរសន្សឹមៗក្នុងរយៈពេលពីរបីឆ្នាំ ហើយនឹងបង្កើតសមត្ថភាពផលិតសម្ភារៈសម្រាប់អាវុធនុយក្លេអ៊ែរជាច្រើន។
សេតវិមានកំពុងចរចាជាមួយប្រទេសអ៊ីរ៉ង់ស្ដីពីកម្មវិធីនុយក្លេអ៊ែរ ហើយបានបដិសេធការអំពាវនាវទណ្ឌកម្មបន្ថែមលើរបបនេះ៕
រឹទ្ធ
0 Comments