ពុំមានភស្តុតាងណាមួយបង្ហាញឲ្យឃើញថា ប្រធានាធិបតីលោកស្រី គ្រីសទីណាហ្វែណង់ដេស (Cristina Fernandes) បានព្យាយាមរៀបរាប់ច្បាស់នូវការចោទប្រកាន់ខុសចំពោះ ការជាប់ពាក់ព័ន្ធរបស់ប្រទេសអ៊ីរ៉ង់ នៅក្នុងការបំផ្ទុះគ្រាប់បែក ដែលបណ្តាលឲ្យមានមនុស្សស្លាប់ក្នុងឆ្នាំ១៩៩៤ ចៅក្រមអាហ្សង់ទីនម្នាក់ បាននិយាយប្រាប់រ៉យទ័រ នៅក្នុងបទសម្ភាសន៍មួយ នៅថ្ងៃព្រហស្បត្តិ៍ ក្រោយពីបដិសេធករណីនោះមក។
ចៅក្រមលោកដានីញ៉ែល រ៉ាហ្វេកាស (Daniel Rafecas) ដែលបានបង្ហាញច្បាប់ចម្លងភស្តុតាងចំពោះរ៉យទ័រនោះនិយាយថា ផ្ទុយទៅវិញភស្តុតាង បានលើកឡើងថា «រដ្ឋាភិបាល បានបង្ហាញគ្រប់លទ្ធភាពទាំងអស់ ដើម្បីអាចឲ្យមានការស៊ើបអង្កេត នៅក្នុងការវាយប្រហារ AMIAមជ្ឈមណ្ឌលសហគមន៍ជ្វីហ្វ ឲ្យដំណើរទៅមុខនោះ។
ប្រជាជនអាហ្សង់ទីនជាច្រើននាក់ បានសម្តែងការខកចិត្តចំពោះសេចក្តីសម្រេចចិត្តរបស់លោក និងនិយាយថា រដ្ឋាភិបាលអាចចូលដៃនៅក្នុងបញ្ហានេះ ជាការសង្ស័យមួយដែលលោករ៉ាហ្វេកាសបដិសេធដាច់អហង្ការ។
លោករ៉ាហ្វេកាសនិយាយថា «ពុំមានភស្តុតាងណាមួយបង្ហើបឲ្យដឹងថា រដ្ឋាភិបាលអាហ្សង់ទីន មានគោលបំណងណាមួយ ដើម្បីរំខាន ធ្វើឲ្យប៉ះពាល់ឬបង្អាក់ការងាររបស់តុលាការអាហ្សង់ទីននោះទេ៕
0 Comments