ប្រធានាធិបតីភៀសខ្លួនអ.ស.ប បានព្រមាននៅថ្ងៃព្រហស្បត្តិ៍ថា វិបតិ្តជនភៀសខ្លួនរបស់ប្រទេសស៊ីរីកំពុងខិតចូលទៅជិតចំណុចផ្លូវបំបែក ដែលមានគ្រោះថ្នាក់មួយ ព្រោះថា ជនភៀសខ្លួនស៊ីរីជិត៤លាននាក់ ប្រឈមមុខនឹងស្ថានភាពរស់នៅដ៏អាក្រក់ នៅក្នុងភាពនិរទេស។
ស្នងការជាន់ខ្ពស់អ.ស.បទទួលបន្ទុកបញ្ហាជនភៀសខ្លួន លោកអង់តូនីញ៉ូ ហ្កាត់ធើរ៉េស (Anto nio Gutterres) បាននិយាយប្រាប់ក្រុមប្រឹក្សាសន្តិសុខថា វិបត្តិជនភៀសខ្លួនកំពុងផ្លាស់ប្តូរ និងបានអំពាវនាវឲ្យមានការគាំទ្រអន្តរជាតិចំពោះប្រទេស ដែលបានបើកព្រំដែនរបស់គេ ដល់ជនស៊ីវិល ដែលកំពុងភៀសខ្លួននោះ។
លោកបាននិយាយប្រាប់ក្រុមប្រឹក្សា ដែលមានសមាជិក១៥ប្រទេសថា «នៅពេលកំរិតនៃក្តីអស់សង្ឃឹមកើនឡើង និងទីកន្លែងការពារកាន់តែរួញទៅនោះ យើងនឹងខិតខំចូលជិតចំណុចផ្លូវបំបែក ដែលមានគ្រោះថ្នាក់មួយ។
ប្រជាជនជិត១២លាននាក់ បានរត់ចោលផ្ទះសម្បែងដោយសារសង្គ្រាមជិត៤ឆ្នាំ នៅក្នុងប្រទេសស៊ីរី ដែលក្នុងនោះមាន៣,៨លាននាក់ ដែលបានភៀសខ្លួនទៅកាន់បណ្ដាប្រទេសជិតខាងដូចជា ប្រទេសទួរគីជាដើម ដែលឥឡូវនេះគឺជាប្រទេស ដែលទទួលជនភៀសខ្លួនដ៏ធំបំផុត នៅក្នុងពិភពលោក៕
0 Comments