ពួកមេដឹកនាំកុលសម្ព័ន្ធក្នុងស្រុកបាននិយាយនៅថ្ងៃពុធថា ពួកយុទ្ធជនរដ្ឋឥស្លាមបានចាប់ពង្រត់ពួកកុលសម្ព័ន្ធមូស្លីមស៊ុននី១០០នាក់នៅជិតទីក្រុងទីគ្រីត ដែលប្រហែលជាធ្វើឲ្យពួកអ្នកប្រឆាំងដែលគេសង្ស័យលែងឲ្យមានប្រសិទ្ធភាពមុនការវាយលុករបស់កងទ័ពដែលគេរំពឹងទុកជាទូទៅនោះ។
ទាហានអ៊ីរ៉ាក់ និងពួកជីវពលស៊ីអ៊ីតស្និទ្ធរដ្ឋាភិបាលបាននិងកំពុងប្រមូលផ្ដុំរយៈពេលប៉ុន្មានថ្ងៃនៅក្នុងការរៀបចំធ្វើការវាយប្រហារមួយទៅលើតំបន់ការពាររបស់រដ្ឋឥស្លាមនៅតាមបណ្តោយទន្លេTigris River នៅភាគខាងជើងនិងខាងត្បូងទីក្រុងទីគ្រិត ដែលជាស្រុកកំណើតរបស់អតីតប្រធានាធិបតីលោក សាដាមហ៊ូសសេន ដែលត្រូវគេប្រហារជីវិតនោះ។
ក្រុងទីគ្រិតចម្ងាយប្រហែល១៥០គ.ម ខាងជើងក្រុងបាដាដនោះត្រូវបានវាយដណ្ដើមយកភាគខាងជើងអ៊ីរ៉ាក់នៅក្នុងខែមិថុនា ដោយធ្វើឲ្យកងកម្លាំងសន្តិសុខអ៊ីរ៉ាក់រត់ខ្វាត់ខ្ចាយ។
ពួកមេដឹកនាំកុលសម្ព័ន្ធនិយាយថា ពួកយុទ្ធជនរដ្ឋឥស្លាមបានចាប់ឃុំពួកកុលសម្ព័ន្ធ៤២នាក់ នៅក្នុងភូមិរូមៃដា នៅថ្ងៃអង្គារ ដែលគេសង្ស័យថា កំពុងត្រៀមខ្លួនកាន់អាវុធប្រឆាំងនឹងពួកគេនោះ៕
រឹទ្ធ
0 Comments