នៅថ្ងៃច័ន្ទប្រទេសកូរ៉េខាងជើងបានបាញ់កាំជ្រួចចូលទៅក្នុងសមុទ្រ និងប្ដេជ្ញាថា នឹងធ្វើការវាយប្រហារឥតប្រណីប្រឆាំងនឹងស.រ.អា និងកូរ៉េខាងត្បូង នៅពេលពួកសម្ព័ន្ធមិត្ត ធ្វើសមយុទ្ធយោធារួមក្នុងទ្រង់ទ្រាយធំនោះ។
ទីភ្នាក់ងារសារព័ត៌មានយន់ហាប់ របស់កូរ៉េខាងត្បូង បានរាយការណ៍ថា កូរ៉េខាងជើងបានបាញ់កាំជ្រួចរយៈជិតពីរគ្រាប់ ចូលទៅក្នុងសមុទ្រខាងកើត មុនការចាប់ផ្តើមសមយុទ្ធយោធារបស់ ក្រុងសេអ៊ូល និងក្រុងវ៉ាស៊ីងតោន ដែលបានធ្វើឲ្យក្រុងព្យុងយ៉ាងខឹងសម្បារនោះ។
ទីភ្នាក់ងារសារព័ត៌មាន KC.NA ផ្លូវការ ដែលបានដកស្រង់សំដីអ្នកនាំពាក្យកងទ័ពប្រជាជនកូរ៉េ (KPA) និយាយថា «សភាពការណ៍នៅលើឧបទ្វីបកូរ៉េ កំពុងខិតចូលទៅរកសង្គ្រាមទៀតហើយ»។
មធ្យោបាយតែមួយ ដើម្បីដោះស្រាយការឈ្លានពាន និងសង្គ្រាមរបស់ចក្រពត្តិនិយមអាមេរិក និងពួកដៃជើងរបស់គេ គឺមិនមែនចរចាឬសន្តិភាពនោះទេ។ ពួកគេគួរតែទទួលនូវការវាយប្រហារដោយឥតប្រណីប៉ុណ្ណោះ។
ប្រទេសកូរ៉េខាងជើងធម្មតា បង្កើនវោហារសាស្ត្រប្រទូសរាយ ជួនកាល ប្រឆាំងនឹងសមយុទ្ធ យោធារួមរវាងស.រ.អា និងកូរ៉េខាងត្បូង ដែលជានិច្ចកាលបង្កឲ្យមានភាពតានតឹងកើនឡើង នៅលើឧបទ្វីប ដែលបែងចែកនោះ៕
0 Comments