នៅថ្ងៃច័ន្ទប្រទេសកូរ៉េខាងជើងបានបាញ់កាំជ្រួចចូលទៅក្នុងសមុទ្រនិងបានប្ដេជ្ញាថានឹង "ធ្វើឲ្យការវាយប្រហារឥតប្រណី" ប្រឆាំងនឹងសហរដ្ឋអាមេរិក និងកូរ៉េខាងត្បូងនៅពេលពួកសម្ព័ន្ធមិត្តធ្វើសមយុទ្ធយោធាមួយរួមក្នុងទ្រង់ទ្រាយធំនោះ។
ទីភ្នាក់ងារសារព័ត៌មានយន់ហាប់របស់ប្រទេសកូរ៉េខាងត្បូងបានរាយការណ៍ថា កូរ៉េខាងជើងបានបាញ់កាំជ្រួចរយៈជិតពីរគ្រាប់ចូលទៅក្នុងសមុទ្រខាងកើតមុនការចាប់ផ្តើមសមយុទ្ធយោធារបស់ក្រុងសេអ៊ូល និងក្រុងវ៉ាស៊ីងតោនដែលបានធ្វើឲ្យក្រុងព្យុងយ៉ាងខឹងសំបារនោះ។
ទីភ្នាក់ងារសារព័ត៌មានKCNAផ្លូវការដែលបានដកស្រង់សំដីអ្នកនាំពាក្យកងទ័ពប្រជាជនកូរ៉េ(KPA) និយាយថា "សភាពការណ៍នៅលើឧបទ្វីបកូរ៉េកំពុងខិតទៅរកសង្គមទៀតហើយ")។
"មធ្យោបាយតែមួយដើម្បីដោះស្រាយការឈ្លានពាន និងសង្គ្រាមរបស់ចក្រពត្តិនិយមអាមេរិកនឹងពួតដៃជើងរបស់គេ គឺមិនមែនចរចា ឫសន្តិភាពនោះទេ។ ពួកគេគួរតែទទួលនូវការវាយប្រហារដោយឥតប្រណីប៉ុណ្ណោះ។
ប្រទេសកូរ៉េខាងជើងធម្មតាបង្កើនវោហារសាស្ត្រប្រទូសរ៉ាយ ជួនកាលប្រឆាំងនឹងសមយុទ្ធយោធារួមរវាងសហរដ្ឋអាមេរិក និងកូរ៉េខាងត្បូងដែលជានិច្ចកាលបង្កឲ្យមានភាពតានតឹងកើនឡើងនៅលើឧបទ្វីបដែលបែងចែកនោះ៕
រឹទ្ធ
0 Comments