បន្ទាប់ពីទៅកម្សាន្តនៅក្រៅ ប្រទេសដូចជា ជប៉ុន សាំងហ្គាពួររួចមក បែរជាលេចឮថា អតីតហ្វ្រេសស៊ីហ្គើលលេខ៣ក្នុងឆ្នាំ២០០៩រូបនេះ មានប្រុសនេប៉ាល់តាមប្រមាញ់ បន្ទាប់ពីបានឃើញបុរសបរទេសនោះបណ្តើរស្រីស្រស់ទៅមើលកម្មវិធីប្រកួត បង្ហាញផ្តាច់ព្រ័ត្រកំពូលតារាបង្ហាញម៉ូដកម្ពុជានៅសណ្ឋាគារសុខា កាលពីខែមុន ជហេតុធ្វើឲ្យទស្សនិកជនយល់ថា មាន សូនីតា ពិតជាមានមន្តស្នេហ៍កាន់តែមិនធម្មតា គឺមានប្រុសទាំងក្នុងស្រុកនិងក្រៅស្រុកតាមស្នេហ៍តែម្តង។
គួររំលឹកឡើងវិញថា ភាពលេចធ្លោរឿងស្នេហា ល្បីជាងការងារសិល្បៈទៅទៀត ព្រោះនាងបានរបូតតំណែងតួឯកអស់ហើយ ដោយបានធ្លាក់ទៅលើនាងឌុច លីដាទៅវិញ។ ប៉ុន្តែនាងបានសង្ឃឹមទៅលើខ្សែភាពយន្តថ្មីរបស់អ្នកស្រីពាន់ ភួង បុបា្ជនឹងជួយលើកស្ទួយនាងឲ្យមានមុខមាត់ ជាថ្មីក្នុងរឿងថ្មីដែលប្រជុំទៅដោយតារាល្បីៗស្អាតៗមានដូចជាគៀត សុវណ្ណាឡាង ទេព បូព្រឹក្ស ជាដើម។ ដោយឡែកមាន សូនីតា នឹងត្រូវប្រជែងជាមួយតារាស្រីៗទាំងនោះដែលជាតួឯកដូចគ្នាតែបានលេច ឮថា អ្នកដឹកនាំបានពេញចិត្តមានសូនីតាជាងគេ។
គួររំលឹកឡើងវិញថា ពេលកើតឡើងស្នេហា កាន់តែខ្ទរខ្ទារកើតឡើងនោះ ជីវភាពតារារូបនេះ កាន់តែប្រែប្រួលហ៊ឺហាជាងមុន ពិសេសគឺ ការលេងម៉ូដឡាន គឺជិះឡានពីកូរ៉ូឡាមកកាមរី ហាយប្រ៊ីដ និងចុងក្រោយជិះ Mazda តម្លៃ ជាង៥ម៉ឺនដុល្លារទៀតផង ទើបធ្វើឲ្យគេសង្ស័យថា ស្រីស្អាតរូបនេះមានគូស្នេហ៍នៅពីក្រោយជួយឧបត្ថម្ភ។ ទោះយ៉ាងណាមាន សូនីតា មិនអាចទាក់ទងសុំផ្តល់បទសម្ភាសន៍បានទេ។
ទោះយ៉ាងណាមានការលើកឡើងថា មាន សូនីតា ប្រាកដជាពិបាកជ្រើសរើសថាគួរយកបុរសមួយណាបើពេលនេះមានអ្នកតាម ស្រឡាញ់កាន់តែច្រើនបែបនេះ តែក្នុងនោះគឺគេចាប់អារម្មណ៍លើប្រុសនេប៉ាល់ និងថៅកែកាហ្វេជធាំងគេ ដែលតាមស្រីស្រស់កាន់តែកៀកបំផុតនោះ។
ស្របពេលល្បីឈ្មោះមានបុរសនេ ប៉ាល់តាមស្រឡាញ់នាងបានធ្វើឲ្យមហាជនមានការចាប់អារម្មណ៍សរសើរនូវ គំនិតមនុស្សធម៌របស់នាង តាមរយៈការធ្វើមនុស្សធម៌ និងលក់ក្រមាខ្មែរ មាននិមិត្តសញ្ញា“ស្រឡាញ់” (S’lanh) ដើម្បីរកប្រាក់ជួយដល់ប្រជាពលរដ្ឋនេប៉ាល់ ដែលរងគ្រោះដោយគ្រោះរញ្ជួយដី៕
0 Comments