ជួបសម្ភាសន៍ជាមួយកម្ពុជាថ្មី តាមទូរស័ព្ទ តារាសម្ដែងនិយមស្លៀកពាក់សិចស៊ីកញ្ញា វណ្ណ វល័ក្ខ បាននិយាយប្រាប់ថា ចំពោះការងារសិល្បៈរបស់នាងបច្ចុប្បន្ននេះ មានការមមាញឹកច្រើនទាំងការថតសម្ដែងខ្សែភាពយន្ត កាយវិការខារ៉ាអូខេ និងថតស្ប៉តផ្សាយពាណិជ្ជកម្មឲ្យបណ្ដាផលិតផលរបស់ក្រុមហ៊ុនមួយចំនួន ជាដើម។
កញ្ញា វណ្ណ វល័ក្ខ បាននិយាយបន្តទៀតថា ឥឡូវនេះនាងក៏មានគម្រោងត្រៀមថតសម្ដែងខ្សែរឿងភាគថ្មីមួយទៀតឲ្យ ស្ថានីយប៉ុស្តិ៍ទូរទស្សន៍PNN ក្នុងពេលឆាប់ៗខាងមុននេះផងដែរ បន្ទាប់ពីថតបញ្ចប់ខ្សែរឿងភាគថ្មីដែលកំពុងតែដំណើរការថតជិតចប់ហើយនោះ។
ជាមួយគ្នានេះ តារាសម្ដែងចង្កាស្រួចមុខមានមន្តស្នេហ៍កញ្ញា វណ្ណ វល័ក្ខ ក៏បានបញ្ជាក់ប្រាប់ផងដែរចំពោះរឿងដែលគេបានដាក់ការសង្ស័យថា នាងធ្លាប់នាងទំនាក់ទំនងស្នេហាស៊ីជម្រៅជា មួយបុរសអ្នកជំនួញក្នុងស្រុក ហើយមិនត្រឹមតែប៉ុណ្ណោះក៏មានព័ត៌មានខ្លះបាននិយាយថា បុរសម្នាក់នេះមានបំណងទិញរថយន្តស៊េរីទំនើបតម្លៃរាប់ម៉ឺនដុល្លារ ធ្វើជាកាដូផ្គាប់ចិត្តនោះ គឺកញ្ញា វណ្ណ វល័ក្ខ បានឆ្លើយបដិសេធន៍ថា ពុំដែលមាននោះឡើយ និងថាជាការនិយាយបំភ្លៃការពិត ព្រោះនាងខ្លួនឯងគឺមិនដែលបានដឹងរឿងអីទាល់តែសោះ។
កញ្ញា វណ្ណ វល័ក្ខ បាននិយាយទៀតថា រឿងមានគេចង់ទិញឡានឲ្យខ្ញុំ គឺគ្មានទេបង(សើច) !តែ បើគម្រោងខ្ញុំទិញឲ្យខ្លួនឯង គឺមានមែន ព្រោះសព្វថ្ងៃនេះខ្ញុំកំពុងតែខំសន្សំរកប្រាក់ពីការសម្ដែងដែលរក បានដោយកម្លាំងញើសឈាមខ្លួនឯង ដើម្បីបង្គ្រប់ទិញរថយន្តថ្មីប្ដូរជំនួសរថយន្តចាស់គឺមានមែន។
តារាស្រី វណ្ណ វល័ក្ខ បានឲ្យដឹងទៀតថា ខ្ញុំពិតជាមានគម្រោងប្ដូររថយន្ត តែមិនមែនធ្វើឡើងពេលនេះទេ គឺអាចនៅពេលខាងមុខឆាប់ៗ ព្រោះឥឡូវនៅមានការខ្វះខាតលុយខ្លះ ដូច្នេះពេលណាដែលសន្សំបានលុយគ្រប់ហើយនោះ ខ្ញុំនឹងទិញរថយន្តក្នុងក្ដីស្រម៉ៃភ្លាគឺHilander។
តារាសម្ដែងវ័យក្មេងកញ្ញា វណ្ណ វល័ក្ខ បានបន្ថែមថា នាងរាល់ថ្ងៃ គឺមិនទាន់គិតគូរដល់រឿង មានស្នេហានេះទេ ហើយក៏មិនទាន់ចង់មានសង្សារដែរ ព្រោះចង់យកពេលវេលានេះដើម្បីនៅមួយការងារសិល្បៈឲ្យបានយូរ បន្តិច។ ម្យ៉ាងក៏ចង់សាងកេរ្តិ៍ឈ្មោះឲ្យមានភាពល្បីខ្លាំងជាងនេះទៀតសិន ទើបគិតដល់រឿងដៃគូអនាគតនៅថ្ងៃខាងមុខ៕
0 Comments