ភ្នំពេញ ៖ ស្ទើរតែអ្នកសិល្បៈគ្រប់គ្នាទៅហើយ
ដែលតែងតែចាប់យកនូវមុខជំនួញបន្ទាប់បន្សំទៀតក្រៅពីអាជីពសិល្បៈ។
មានសិល្បករសិល្បការិនីជាច្រើននាក់
ដែលមានជំនួញនៅក្នុងដៃដែលជំនួញអស់ទាំងនោះកើតចេញពីការរកបាន
ពីចំណូលរបស់ការងារសិល្បៈ។ ទោះជាយ៉ាងនេះក្ដី
ការបង្កើតជាអាជីវកម្មស្របពេលនឹងការបោះជំហានលើវិថីសិល្បៈនេះ
ពិតជាទទួលបានជោគជ័យច្រើនគួរឲ្យកត់សម្គាល់សម្រាប់ពួកគេ
ដោយសារតែការមានកេរ្តិ៍ឈ្មោះ និងមានគេស្គាល់ស្រាប់។
ដូចនេះវាជាភាពងាយស្រួលមួយក្នុងការធ្វើឲ្យសាយភាយពីមុខជំនួញ
របស់ខ្លួនទៅកាន់មនុស្សជាច្រើន។
តួយ៉ាងដូចជា តារាសម្ដែង
និងជាពិធីករមួយរូបប្រចាំស្ថានីយទូរទស្សន៍បាយ័នទៀតនោះលោក ជា
វណ្ណារិទ្ធ ដែលសព្វថ្ងៃនេះ
លោកកំពុងតែទទួលបានការគាំទ្រយ៉ាងច្រើនពីទស្សនិកជន។
គួបផ្សំនឹងការប្រឡូកក្នុងអាជីពសិល្បៈនេះ លោក ជា វណ្ណារិទ្ធ
ក៏មានមុខជំនួញមួយជាមួយនឹងភរិយារបស់លោកផងដែរ។
លោកបានបញ្ជាក់យ៉ាងច្បាស់ដែរថា
មុខជំនួញមួយនេះវានៅពុំទាន់មានលក្ខណៈជាធំដុំអីនោះទេ
តែអាចរកចំណូលបានច្រើនក្រៅពីអាជីពសិល្បៈនេះដែរ។
តាមរយៈការផ្ដល់បទសម្ភាសន៍ជាមួយលោក លោកក៏បានបន្ថែមទៀតថា
ជារៀងរាល់មួយខែម្ដង លោកតែងតែធ្វើដំណើរចេញទៅប្រទេសថៃ
ដើម្បីរកទិញគ្រឿងសម្អាងជាមួយនឹងភរិយារបស់លោក។
ជាមួយនឹងការងារសិល្បៈ ក៏កាន់តែមមាញឹក ការងារមុខជំនួញទៀតនោះ
លោកស្ទើរតែរកពេលសម្រាកគ្មាននោះទេ។ មិនត្រឹមតែប៉ុណ្ណោះ
លោកក៏បានលើកឡើងនូវទស្សនៈមួយថា រកទាន់ខ្លួននៅក្មេង។ យ៉ាងណាមិញ
ដូចជារូបលោកស្រាប់ ដែលទើបតែស្ថិតនៅក្នុងវ័យក្មេងនៅឡើយ
ដូចនេះលោកខិតខំប្រឹងប្រែងចាប់ដៃពីរនាក់ភរិយាដើម្បីអនាគត
និងជីវភាពដ៏រុងរឿង។
លើសពីនេះទៀត
ទន្ទឹមនឹងការទទួលលក់គ្រឿងសម្អាងពីប្រទេសថៃ លោក ជា វណ្ណារិទ្ធ
ក៏បានបើកជាហាងលក់កាដូអនុស្សាវរីយ៍មួយ ដែលមានឈ្មោះថា Pink Day ដែល
មានអាស័យដ្ឋានក្នុងផ្សារទំនើបផេនសល។
នៅក្នុងហាងរបស់លោកមានទទួលរៀបចំកាដូសម្រាប់កម្មវិធីផ្សេងៗដូចជា
កម្មវិធីអាពាហ៍ពិពាហ៍ កម្មវិធីជប់លៀង ខួបកំណើត បង្កក់កូន កាត់ចំណងដៃ
ឡើងគេហដ្ឋានជាដើម។ មិនត្រឹមតែប៉ុណ្ណោះ
លោកក៏ជាអ្នកឌីហ្សាញមួយដ៏ប៉ិនប្រសប់ក្នុងការរចនានូវប្រអប់
កាដូ ឬអក្សរក្បាច់នានា ដែលមើលទៅគួរឲ្យទាក់ទាញ និងមានសោភ័ណភាព។
មួយវិញទៀត
លោកមានលក់នូវសំលៀកបំពាក់ដ៏ស្រស់ស្អាតសម្រាប់យុវវ័យទៀតផង។
ពិតជាមានមោទនភាព
និងគួរឲ្យកោតសរសើរខ្លាំងណាស់សម្រាប់រូបលោកដែលជាពិធីករ
តារាសម្ដែងផង
និងជាម្ចាស់ហាងមួយដែលកើតឡើងពីបាតដៃដ៏តស៊ូស្វិតស្វាញរបស់ខ្លួន
បែបនេះ។
ទន្ទឹមនឹងការជីកសួរពីមុខជំនួញ
របស់តារាសម្ដែង និងជាពិធីកររូបនេះ
លោកក៏បានរៀបរាប់ខ្លះៗពីជីវប្រវត្តិរបស់ខ្លួន
និងស្ថានភាពគ្រួសារផងដែរ។
លោក ជា វណ្ណារិទ្ធ មានស្រុកកំណើតនៅខេត្តសៀមរាប។ ឪពុករបស់លោកឈ្មោះ ជា ពិសិដ្ឋ ជាគ្រូបង្រៀន( ចូលនិវត្តន៍) អ្នកម្ដាយឈ្មោះ សួស មន្ថា( មេផ្ទះ) មាន
បងប្អូនចំនួន៥នាក់ហើយរូបលោកគឺជាកូនទី៣
ក្នុងចំណោមបងប្អូនរបស់លោកទាំងអស់ មានបងប្រុស
និងប្អូនប្រុសរបស់លោក គឺនិស្ស័យជាអ្នកសិល្បៈដូចលោកដែរ គឺលោក
ជា ដាវិដ និងលោក….។
គួររំលឹកផងដែរថា លោក ជា
វណ្ណារិទ្ធ ចាប់ផ្ដើមប្រឡូកចូលក្នុងវិស័យសិល្បៈកាលពីឆ្នាំ២០០៧
ដែលកាលនោះលោកបានជាប់ជាជយលាភីហ្រេស៊ីលេខ១។
បន្ទាប់ពីទទួលបានចំណាត់ថ្នាក់ដ៏ល្អឯកនេះហើយ លោក ជា វណ្ណារិទ្ធ
ក៏ចេះតែត្រូវបានក្រុមហ៊ុន
និងផលិតកម្មនានាអញ្ជើញរូបលោកឲ្យសម្ដែងដូចជា ខារ៉ាអូខេ
និងភាពយន្តជាដើម។
ក្នុងនោះដែរ លោកចាំបានថាចំ
ពោះខ្សែភាពយន្តដំបូងដែលលោកបានថត គឺរឿង”ក្រោមមេឃលើដី”
ដែលពេលនោះលោកចាប់សម្ដែងជាតួឯកតែម្ដង គឺសម្ដែងជាអ្នកនាង ដាញ់
ម៉ូនីកា។ មកដល់ថ្ងៃនេះ លោក
វណ្ណា រិទ្ធ បានប្រឡូកសម្ដែងជាតួឯកបានប្រមាណជាង១០រឿងហើយ។
ពីមួយរឿងទៅមួយរឿង
គឺលោកបានយកចិត្តទុកដាក់ព្យាយាមសម្ដែងធ្វើយ៉ាងណាឲ្យស៊ីទៅនឹង
សាច់រឿង និងក្រោមការណែនាំពីម្ចាស់ផលិតកម្ម
ក៏ដូចជាតួសម្ដែងជើងចាស់ពីមុនៗ។ យើងឃើញហើយថា លោក ជា វណ្ណារិទ្ធ
ពិតជាមានសមត្ថភាពខ្ពស់ខាងសម្ដែង
និងពូកែបញ្ចេញវោហារស័ព្ទដ៏ក្រអួនក្រអៅទៀតផង។
តំណែងតួឯក គឺលោកបានស្រវាចាប់គ្រប់រឿងទាំងអស់ដែលលោកបានថត.ត
ហើយមិនតែប៉ុណ្ណោះ
វាក៏កើតឡើងចេញពីទេពកោសល្យពិតៗរបស់លោកដែលមានតាំងតែពីកំណើតមក
ម្ល៉េះ។ ដោយឡែកងាកទៅរកការផ្សាយពាណិជ្ជកម្មវិញ
គឺមានច្រើនសម្រាប់រូបលោកដូចជា ស្ពតគោជល់ ស្ពតទឹកផ្លែឈើ
ស្ពតក្រដាសជូតមាត់ ស្ពតលីហួរជាដើម។ ចំពោះ ស្ពត
ដែលធ្វើឲ្យលោកទទួលបានប្រជាប្រិយភាពនោះ គឺស្ពតទឹកផ្លែឈើ
ដែលគេឧស្សាហ៍ឃើញគេចាក់បញ្ចាំងជាញឹកញាប់។ មួយវិញទៀត
មិនថាតែការបង្ហាញមុខមាត់តាមរយៈស្ពតប៉ុណ្ណោះទេ
ដែលធ្វើឲ្យលោកល្បីឈ្មោះនោះ
ក្នុងនោះដែរក៏មានខ្សែភាពយន្តមួយដែលជួយឲ្យលោកមានគេស្គាល់កាន់
តែច្រើន គឺតាមរយៈរឿង កែចិត្តស្អប់បង។ ដោយឡែក
ងាកមករកសកម្មភាពជាពិធីករនេះវិញ ក្នុងពេលបច្ចុប្បន្ន
លោកក៏ជាពិធីករប្រចាំស្ថានីយ៍ទូរទស្សន៍បាយ័នដែរ ដែលនៅកម្មវិធីCha cha chachaដៃគូ
ជាមួយកញ្ញា ហ៊ិន ចាន់នីរ័ត្ន។
កម្មវិធីនេះហើយដែលកាន់តែរុញច្រានលោកឲ្យទទួលបានភាពទាក់ទាញពី
សំណាក់ទស្សនិកជនជាច្រើននាក់នោះ៕
0 Comments