វ៉ាក់សាំងជំងឺគ្រុនឈាមមួយដែលនាំដល់ការកើតជំងឺ ព្រមទាំងបាត់បង់ជីវិតក្នុងចំណោមកុមារនៅអាមេរិកឡាទីន និងប្រទេសអាស៊ីមួយចំនួន ពេលយកមកប្រើសម្រាប់ការពារ និងបង្ការចំពោះកុមារធំអាយុ៩ឆ្នាំ និងលើសពីនេះ។ នេះបើយោងតាមការសិក្សាស្រាវជ្រាវមួយដែលបានចុះផ្សាយនៅក្នុងព្រឹត្ដិបត្រ New England Journal of Medicine។
មានប្រជាពលរដ្ឋ ប្រមាណពាក់កណ្ដាលនៃពលរដ្ឋសរុបទូទាំងពិភពលោករស់នៅជាមួយហានិភ័យនៃជំងឺគ្រុនឈាម។ ក្នុងនោះមានមនុស្សប្រមាណ៥០០,០០០នាក់ គឺជាកុមារ ត្រូវបញ្ជូនមកឲ្យសម្រាកព្យាបាលនៅឯមន្ទីរពេទ្យ ដោយសារតែជំងឺគ្រុនឈាមមានលក្ខណៈធ្ងន់បំផុត ហើយក៏មានស្លាប់ប្រមាណ១២,៥០០នាក់ ជារៀងរាល់ឆ្នាំផងដែរ។ ស្ថានភាពក៏កាន់តែអាក្រក់ថែមទៅទៀត ដោយសារតែជំងឺគ្រុនឈាមកាន់តែកើនបរិមាណច្រើនថែមទៀតក្នុងរយៈពេល៥០ឆ្នាំកន្លងទៅនេះ។ មិនមានការព្យាបាលអាចឲ្យសះជា ឬបង្ការជំងឺដែលកើតឡើងដោយសារសត្វមូសនោះឡើយ ទើបបានជាវ៉ាក់សាំងបង្ការ ប្រែក្លាយទៅជាមានសារៈសំខាន់។
ក្រុមកុមារដែលមានអាយុ៩ឆ្នាំ ឬច្រើនលើសពីនេះ តាមការសិក្សាស្រាវជ្រាវមានដល់ទៅ៨០ភាគរយ ត្រូវចូលសម្រាកព្យាបាលនៅមន្ទីរពេទ្យ។ តាមរយៈការតាមដាន កុមារដល់ទៅជាង៣៥,០០០នាក់ ដែលមានអាយុចាប់ពី២ឆ្នាំដល់១៦ឆ្នាំ នៅក្នុងការពិសោធដល់ទៅ៣លើក ដែលត្រូវបានធ្វើឡើងនៅក្នុង៦ប្រទេសនៅអាស៊ី និង៥ប្រទេសនៅអាមេរិកឡាទីន រួមមានថៃឡង់ដ៍ ម៉ិកស៊ីកូ និងកូឡុំប៊ី។ កុមារភាគច្រើនទាំងនោះបានទទួលការចាក់វ៉ាក់សុំាងជំងឺគ្រុនឈាមដែលអភិវឌ្ឍដោយក្រុមហ៊ុនផលិតឱសថ Sanofi ហើយចំនួនកុមារដែលនៅសល់ពីនោះត្រូវបានផ្ដល់ឱសថបញ្ឆោតដែលមិនមែនជាថ្នាំពិត (placebo)។ រយៈពេល៤ឆ្នាំក្រោយមកក្រុមអ្នកសិក្សាស្រាវជ្រាវធ្វើការត្រួតពិនិត្យទៅលើក្រុមកុមារដែលចូលរួមការពិសោធនោះ។
តាមការលើកឡើងពីលោកស្រី Melanie Saville នាយកផ្នែកវេជ្ជសាស្ដ្រ និងជាមន្ដ្រីជាន់ខ្ពស់ផ្នែកពិសោធន៍ស្រាវជ្រាវជំងឺគ្រុនឈាមនៅឯសហគ្រាសឱសថ Sanofi នោះ ប្រាប់ឲ្យដឹងថា ដោយយោងទៅតាមទិន្នន័យរហូតមកដល់ថ្ងៃ នេះ យើងខ្ញុំសន្និដ្ឋានបានថា វ៉ាក់សាំងដែលជាបេក្ខភាពរបស់យើងខ្ញុំនឹងមានដំណើរប៉ះទង្គិចយ៉ាងក្រែលែង ដល់ផ្នែកសុខាភិបាលសាធារណៈ ប្រសិនបើត្រូវបានយកទៅប្រើចំពោះក្រុមកុមារដែលមានអាយុ៩ឆ្នាំ ឬលើសពីនេះ។
គេនៅពុំទាន់កំណត់បានអំពីតម្លៃនៃវ៉ាក់សុំាងនេះទេ។ នេះបើតាមការឲ្យដឹងពីលោកស្រី Seville។ ទោះជាយ៉ាងនេះក្ដី ក្រុមហ៊ុន Sanofi ផ្ដោតតែទៅលើថា តើធ្វើយ៉ាងណាដើម្បីឲ្យទទួលបានវ៉ាក់សាំងដែលត្រូវបានអនុម័តឲ្យប្រើប្រាស់នៅក្នុងបណ្ដាប្រទេសដែលប្រេវ៉ាឡង់នៃជំងឺគ្រុនឈាមនោះ។ ការអនុម័តផ្ដល់និយតកម្មបានចាប់ផ្ដើមនៅក្នុងប្រទេសមួយចំនួននៃតំបន់អាស៊ី និងអាមេរិកឡាទីន។ ពេលដែលវ៉ាក់សាំងនេះត្រូវបានទទួលការអនុម័តហើយនោះ ក្រុមហ៊ុនក៏នឹងចាប់ផ្ដើមផ្ដោតទៅលើទិដ្ឋភាពថា តើត្រូវគ្រប់គ្រងនឹងការឲ្យវ៉ាក់សាំងនោះដោយរបៀបណា៕
The Verge
វ៉ាក់សាំងគ្រុនឈាម គ្រោះថ្នាក់ចំពោះក្រុមកុមារមានអាយុតិចជាង៩ឆ្នាំ
0 Comments