ភ្នំពេញ ៖ តារាសម្ដែងស៊ិចស៊ី ដែលគេស្គាល់ថា លោក អ៊ែន ឌី បានបើករថយន្តបញ្ច្រាសផ្លូវលេខ៦៣ បណ្ដាលឲ្យបុកម៉ូតូមួយគ្រឿងបាក់ជើងម្នាក់ កាលពីយប់រំលងអធ្រាត្រឈានចូលទី១ ខែសីហា ឆ្នាំ២០១៥ នៅម្តុំផ្សារសេឡិបក្នុងមូលដ្ឋានសង្កាត់ចតុមុខ ខណ្ឌដូនពេញ។
ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុគេឃើញរថយន្តម៉ាកកាមរី ស៊េរីទំនើបមួយគ្រឿង ពាក់ស្លាកលេខភ្នំពេញ 2R-2582 បើកបរដោយលោក អ៊ែន ឌី តារាសម្តែង ដែលរួមដំណើរជាមួយនារីស្លៀកពាក់ស៊ិចស៊ីម្នាក់ទៀត បានបើកធ្វើដំណើរបញ្ច្រាសទិស តាមផ្លូវលេខ៦៣ (ផ្លូវឯកទិស) ពីជើងមកត្បូងស្ថិតក្នុងសង្កាត់ចតុមុខ ខណ្ឌដូនពេញ លុះមកដល់ចំណុចកើតហេតុបានបុកអ្នកជិះម៉ូតូម៉ាកវីវ៉ាC១២៥មួយគ្រឿងភ្នំពេញ បណ្ដាលឲ្យយុវវ័យម្នាក់ធ្វើដំណើរស្របទិសដៅចរាចរណ៍ពីត្បូងមកជើងបណ្ដាលឲ្យ រងរបួសបាក់ជើង ម្ខាងហើយភ្លាមៗនោះដែរជនរងគ្រោះដែលត្រូវលោកអ៊ែន ឌី បើករថយន្តបុករបួសធ្ងន់រូបនោះ ក៏ត្រូវបានគេហៅរថយន្តសាមុយមកដឹកទៅកាន់មន្ទីរពេទ្យដើម្បីសង្គ្រោះផងដែរ។
ប្រភពព័ត៌មានបានបន្តទៀតថា បន្ទាប់ពីបើករថយន្តបុក អ្នកជិះម៉ូតូហើយ គេឃើញតារាសម្តែង អ៊ែន ឌី រូបនោះមិនបានគេចវេសចោលកន្លែងកើតហេតុនោះទេ គឺបាននៅរង់ចាំដោះស្រាយជាមួយជនរងគ្រោះ និងប៉ូលិសចរាចរណ៍រហូតដល់ចប់ នៅម៉ោងប្រមាណជាង២យប់ ចូលថ្ងៃទី១ ខែសីហា ឆ្នាំ២០១៥នេះ តែមិនអាចដោះស្រាយគ្នាបញ្ចប់បញ្ហាបាននោះ ទើបកម្លាំងមូលដ្ឋានបានសហការជាមួយកម្លាំងជំនាញចុះមកយកយានយន្តទាំង២គ្រឿង ដែលរងការខូចខាតនោះទៅកាន់ការិយាល័យចរាចរណ៍ក្រុងភ្នំពេញ ដើម្បីរង់ចាំដោះស្រាយតាមផ្លូវច្បាប់ ពីព្រោះបើកបរមិនគោរពច្បាប់ចរាចរណ៍ពីផ្លូវឯកទិសហាមឃាត់នោះ៕
តារាសម្ដែងលោក អ៊ែន ឌី បើករថយន្តបញ្ច្រាសផ្លូវឯកទិស បុកម៉ូតូមួយគ្រឿងរបួសបាក់ជើងម្នាក់
0 Comments