ភ្នំពេញ ៖ រថយន្តដឹកកុងតឺន័រមួយគ្រឿងបើកទាក់ខ្សែកាប ខ្សែភ្លើង និងខ្សែទូរស័ព្ទដាច់បាក់បង្គោល អស់៤ ដើម ធ្លាក់រប៉ាយ ពេញផ្លូវ ប៉ុន្តែមិនបណ្ដាលនណាម្នាក់រងគ្រោះថ្នាក់ទេ។ ហេតុការណ៍នោះបានកើតឡើង កាលពីវេលាម៉ោងជិត៩យប់ ថ្ងៃទី២៣ ខែសីហាឆ្នាំ២០១៥ ស្ថិតនៅខាងលិចផ្សារអូឡាំពិក សង្កាត់ទួលស្វាយព្រៃ១ ខណ្ឌចំការមន។
សាក្សី បានប្រាប់ថា មុនពេលកើតហេតុ គេបានឃើញរថយន្តកុងតឺន័រមួយគ្រឿង ដឹកទំនិញ យកទៅស្តុកនៅក្នុងឃ្លាំង នៅម្តុំទួលស្វាយព្រៃ ១ ដោយបើកបរ តាមផ្លូវ៣១៨ លុះបើកមកដល់ខាងលិចផ្សារអូរឡាំពិក រថយន្តបានបើកទាក់ខ្សែភ្លើងបណ្ដាលឲ្យ បាក់បង្គោលភ្លើងអស់៤ដើមធ្លាក់ ខ្សែភ្លើងធ្លាក់រប៉ាត់រប៉ាយ ពេញផ្លូវ មិនអាច អោយរថយន្តដទៃទៀត ធ្វើចរាចរណ៍បានឡើយ។
អ្នកបើកបរឈ្មោះ សួន ណាក់ ស្នាក់នៅម្តុំផ្សារកាណាឌីយា បាននិយាយថា ការបើកទាក់ខ្សែភ្លើងដោយសារ តែ ដាក់បង្គោលទាបពេក ទើបធ្វើអោយឡានគាត់ បើកទាក់។ គាត់បន្តថា គាត់នៅតែសងគេដដែលហ្នឹង ប៉ុន្តែ បានសំណូមពរ ទៅដល់អ្នកដាក់បង្គោល និងក្រុមហ៊ុន ដែលតខ្សែទាំងអស់ មេត្តាពិនិត្យនិងដាក់ឲ្យខ្ពស់ បន្តិចទៅ។ ក្រោយពី កើតហេតុអ្នកបើកបរនិង រថយន្ត ត្រូវបានបញ្ជូនបន្តទៅ ខាងការិយាល័យចរាចរណ៍ផ្លូវគោក ដើម្បីឲ្យម្ចាស់ធ្វើការសងសំណង នៃការបាក់បង្គោលភ្លើងនេះ៕
រថយន្តដឹកកុងតឺន័របើកទាក់ខ្សែកាប ខ្សែភ្លើង ខ្សែដាច់ ធ្លាក់រប៉ាយ ពេញផ្លូវ
0 Comments