ភ្នំពេញ ៖ តារាកំប្លែងនាងក្រូចត្រូវបានទស្សនិកជនសរសើរថា មានចរិតរួសរាយរាក់ទាក់ជាងគេ ព្រោះមិនឆ្មើងឆ្មៃឡើយ ខុសប្លែកពីតារាកំប្លែងមាននាយពែកមី នាយគ្រឿន និងនាងខ្ញុង ដែលប្រែប្រួលអត្តចរិតដែលតែងតែទទួលការរិះគន់ពីមហាជនញឹកញាប់ផងដែរ។
ក្រោយពីឆក់បានតំណែងតួឯកក្នុងភាពយន្តថ្មីរបស់ផលិតកម្មសាន់ដេ គឺរឿង”អាឡេវចូលក្រុង”គេឃើញនាយក្រូចលេងខ្លួនចម្លែកដោយលាបធ្យូងខ្មៅពេញខ្លួន ព្រមទាំងចាក់សាក់កាចសាហាវទៀតផង។ ជួបតាមរយៈទូរស័ព្ទនាយក្រូចប្រាប់ថា លោកមានមោទនភាពណាស់ដែលជាអ្នកកំប្លែងម្នាក់ តែត្រូវបានផលិតកម្មជាច្រើនហៅឲ្យថតភាពយន្តជាបន្តបន្ទាប់។ នាយក្រូចឲ្យដឹងដែរថា និយាយទៅខ្ញុំរាល់ថ្ងៃ គឺគ្មានពេលទំនេរទេ ព្រោះខ្លាចថតថ្ងៃជាន់គ្នា ដូច្នេះហើយទើបមានគេមកទាក់ទងឲ្យថតរឿងមួយជាតួឯកដែរ តែខ្ញុំអត់ទទួលព្រោះពេលនេះកំពុងថតរឿងពីរព្រមគ្នាទៅហើយគឺរឿង”ភូមិអត់មនុស្ស”របស់ផលិតកម្ម Red Picturue “អាឡេវចូលក្រុង”របស់ផលិតកម្មសាន់ដេនិងមានរឿងថ្មីមួយទៀត ខ្ញុំកំពុងតែត្រៀមថតដែរ ដោយសារតែ៣រឿងព្រមគ្នាអ៊ីចឹងហើយបានជាខ្ញុំបោះចោលមួយរឿងទៅ។
ក្នុងនាមនាយក្រូចជាសិល្បករម្នាក់ លោកឲ្យដឹងទៀតថា ខ្ញុំមានមោទនភាពដែរ ព្រោះខ្ញុំជាអ្នកកំប្លែងទេ តែខាងផលិតកម្មបានហៅឲ្យថតរឿងជាបន្តបន្ទាប់ ចំពោះរឿងអាឡេវចូលក្រុងខ្ញុំដើរតួជាមេកន្ទ្រាញប្រចាំភូមិទើបគេតម្រូវឲ្យគូសវាសសាក់ពេញខ្លួនឲ្យសមជាតួអង្គមេកន្ទ្រាញ។ ទាក់ទងនឹងការសម្តែងកន្លងមកនាយពែកមីជាមេក្រុមនាយក្រូចបានអួតថា គ្រាន់តែបានផលិតរឿងបងប្អូន២នាក់តែមួយរឿងគឺចំណេញកប់ក្តោង ដោយបំបែកឯតទគ្គកម្មភាពយន្តស្រុកខ្មែរអស់ហើយរកបានប្រាក់ចំណូល៣០ម៉ឺនដុល្លា។
ដោយឡែកនាយគ្រឿនវិញអះអាងថា ការថតភាពយន្តក្នុងផលិតកម្មតូចធំដឹងតែមួយរឿងស៊ី៤០០០ដុល្លារ ដូច្នេះក្នុង១ឆ្នាំគេកើបលុយម៉ឺនដុល្លារឯណោះ។ ចំពោះនាយក្រូចវិញបានអះអាងថា បើនិយាយទៅប្រាក់ចំណូលបានច្រើន ឯការចំណាយវិញក៏បានច្រើនដែរ ចំពោះខ្ញុំ១រឿងស៊ីថ្លៃចន្លោះពី៣៥០០-៤០០០ដុល្លារ មិនលើសក៏មិនក្រោមដែរ បើនិយាយថា លុយសល់ប៉ុន្មានក្នុង១ឆ្នាំគឺពិបាកដែរ ព្រោះលុយរកបានក៏អស់ទៅវិញដែរ។
តារាកំប្លែងប្រចាំស្ថានីយទូរទស្សន៍ស៊ីធីអិននាយក្រូចបញ្ជាក់ឲ្យដឹងទៀតថា ខ្ញុំបាទនិងក្រុមកំប្លែងស៊ីធីអិនតែងតែចុះតាមបណ្តាខេត្តយកថវិកាជួយជនក្រីក្រដូចជាជីកអណ្តូងជាដើម ដើម្បីមានឱកាសបានជួយដល់សង្គមមួយផ្នែកផងដែរ៕
នាយក្រូចស៊ីថ្លៃថតក្នុង១រឿងមិនចាញ់,នាយពែកមី,នាយគ្រឿនដែរហ្នឹង
0 Comments