កណ្ដាល ៖ នៅព្រឹកថ្ងៃទី២៣ ខែសីហា ឆ្នាំ២០១៥នេះ លោក ច័ន្ទថេត ថានរះ នាយខណ្ឌរដ្ឋបាលព្រៃឈើកណ្ដាល និងសហការី បាននាំកូនឈើចំនួន៥៣៨០ដើម យកមកប្រគេនព្រះសង្ឃ នៅពុទ្ធមណ្ឌលវិបស្សនាធុរៈនៃព្រះរាជាណាចក្រកម្ពុជា ស្ថិតនៅភូមិស្រះពោធិន៌ ឃុំផ្សារដែក ស្រុកពញាឮ ខេត្តកណ្ដាល។
នៅក្នុងពិធីដាំកូនឈើនេះមានការចូលរួមដាំពីលោកយាយជី តាជី៣៣៨នាក់និង ព្រះសង្ឃ៨៥អង្គ ហើយកូនឈើទាំងនោះរួមមាន ៖ គ្រញូង,បេង, នាងនួន, ធ្នង់, កកោះ, គគីរ,ឈើទាល និងលឿងរាជ។
ពិធីនេះធ្វើឡើងក្នុងគោលបំណងដើម្បីចូលរួមអបអរសាទរបុណ្យរុក្ខទិវា៩ កក្កដា ការចូលរួមការពារបរិស្ថាន ដើម្បីជាម្លប់ និងទាក់ទាញទឹកភ្លៀងជារបាំងការពារខ្យល់ និងទុកសម្រាប់កូនចៅជំនាន់ក្រោយបានស្គាល់ ជាពិសេសសម្រាប់ព្រះសង្ឃសម្រាប់ធ្វើជាព្រៃធុតង្គបដិបត្តិធម្ម៕
កូនឈើចម្រុះជាង៥០០០ដើមត្រូវបានយកទៅប្រគេនព្រះសង្ឃនៅពុទ្ធមណ្ឌលវិបស្សនាធុរៈ
0 Comments