ភ្នំពេញ ៖ នៅព្រឹកថ្ងៃទី២៣ ខែសីហា ឆ្នាំ២០១៥ ដោយមានការអនុញ្ញាត និងជំនួសមុខឲ្យឯកឧត្ដមបណ្ឌិត ហ៊ុន ម៉ាណែត លោក ម៉ឹង ពន្លក ប្រធានចលនាយុវជនកម្ពុជា ក្រុម១៥៧ បានដឹកនាំសមាជិក សមាជិកា ចុះចែកអំណោយជូនដល់អង្គការសង្គ្រោះជនពិការ និងកុមារកំព្រា ដែលមានទីតាំងស្ថិតនៅក្នុងភូមិអណ្តូង សង្កាត់គោករកា ខណ្ឌព្រែកព្នៅ រាជធានីភ្នំពេញ។ ដែលមានជនចាស់ជរា ចំនួន៧នាក់ ជនពិការ ២៧នាក់ (ក្នុងនោះត្រូវការរទេះជនពិការចំនួន ៥នាក់) បុគ្គលិក លោកគ្រូ អ្នកគ្រូ ១១នាក់ និងកុមារកំព្រា ៣៧នាក់ សរុប៨២នាក់។
អំណោយទាំងនេះរួមមាន៖
– អំណោយរបស់សម្ដេចអគ្គមហាសេនាបតីតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ផ្តល់ជូនរទេះជនពិការចំនួន៥គ្រឿង និងជនពិការ២៧នាក់ ចាស់ជរា៧នាក់ ក្នុងម្នាក់ៗទទួលបានថវិកា៣០,០០០រៀល ក្រម៉ា១ និងសារ៉ុង១។
– អំណោយរបស់លោកបណ្ឌិត ហ៊ុន ម៉ាណែត និងលោកជំទាវ ជូនទៅអង្គការថវិកាចំនួន២,០០០,០០០រៀល និងបុគ្គលិក លោកគ្រូ អ្នកគ្រូចំនួន១១នាក់ក្នុងម្នាក់ៗទទួលបាន ថវិកា៥០,០០០រៀល ក្រម៉ា១ និងសារ៉ុង១។
-អំណោយរបស់ចលនាយុវជនកម្ពុជា(ក្រុម១៥៧)រួមមាន៖
1) អង្ករ ១តោន 2) មីយើង១០កេសធំ ស្មើនឹង ៦០កេសតូច 3) ត្រីខ ៤កេស ស្មើនឹង៤០០កំប៉ុង 4) ទឹកត្រី ១៥យួរ 5) ទឹកស៊ីអ៊ីវ ១៥យួរ 6) ប្រេងឆា ១០ដប ស្មើនឹង១០លីត្រ 7) អំបិល ១០គីឡូក្រាម 8) ស្ករស ៥គីឡូក្រាម 9) ប៊ីចេង ២គីឡូក្រាម 10) ឆៃប៉ូវផ្អែម ១០គីឡូក្រាម 11) កន្ទេលនីឡុង ៣០ 12) សម្ភារៈសិក្សាមាន កាតាប ប៊ិកក្រហម-ខៀវ ខ្មៅដៃ ជ័រលុប ក្តារឆ្នួន សៀវភៅ និងថវិកា10,000រៀល(ក្នុងម្នាក់ៗ) សម្រាប់ក្មួយៗកុមារកំព្រា ៣៧នាក់ 13) កង់ចំនួន ១០គ្រឿង។
ប្រធានអង្គការសង្គ្រោះជនពិការ និងកុមារកំព្រាកម្ពុជាលោកស្រីប៉ែន សាម៉េតក៏បានថ្លែងអំណរគុណយ៉ាងជ្រាលជ្រៅដល់សម្ដេចអគ្គមហាសេនាបតីតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ព្រមទាំងលោកបណ្ឌិត ហ៊ុន ម៉ាណែត និងចលនាយុវជនកម្ពុជា ក្រុម១៥៧ ដែលបានប្រគល់នូវអំណោយដ៏ច្រើននេះដល់អង្គការ និងមិនភ្លេចពីទុក្ខលំបាករបស់ក្មួយៗនៅពេលនេះផងដែរ៕
ចលនាយុវជនកម្ពុជា ក្រុម១៥៧ ប្រគល់អំណោយសប្បុរសធម៌ ដល់អង្គការសង្គ្រោះជនពិការ និងកុមារកំព្រាកម្ពុជា
0 Comments