កណ្ដាល ៖ បុរសម្នាក់ជាអ្នកបើកម៉ូតូនិក(Next)បានស្លាប់ភ្លាមមួយរំពេចនៅលើផ្លូវជាតិ រីឯមិត្តភ័ក្ដិរួមដំណើរម្នាក់រងរបួសធ្ងន់ ខណៈជួបគ្រោះថ្នាក់ចរាចរណ៍បើកបរម៉ូតូ ត្រូវរថយន្តបុកក្នុងដំណើរស្របទិសគ្នាកាលពីថ្ងៃទី១៤ ខែកញ្ញា ឆ្នាំ២០១៥វេលាម៉ោង២០និង៤០នាទីយប់លើកំណាត់ផ្លូវជាតិលេខ(៣)ចន្លោះគីឡូម៉ែត្រ៣០/៣១ចំណុចភូមិតាឡឹក ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។
នគរបាលចរាចរណ៍ស្រុកកណ្ដាលស្ទឹងបានឲ្យដឹងថា ជនរងគ្រោះ ដែលស្លាប់នោះគឺឈ្មោះប្រាជ្ញ ដានី ភេទប្រុស អាយុ២៤ឆ្នាំ មានទីលំនៅភូមិអង្គខ្លើ ឃុំត្បែង ស្រុកកណ្តាលស្ទឹង រីឯអ្នករួមដំណើរមិនមានលិខិតស្នាមសម្គាល់ឡើយ។
នគរបាលបញ្ជាក់ថា រថយន្តបង្កមិនស្គាល់ម៉ាកបើកបរក្នុងទិសដៅពីត្បូងមកជើង(បើកគេចខ្លួនបាត់) រីឯម៉ូតូរងគ្រោះម៉ាក់Next C110ពណ៌ផ្ទៃមេឃពាក់ស្លាកលេខ ភ្នំពេញ ១CD ៣១២០ បើកបរដោយឈ្មោះ ប្រាជ្ញ ដានីភេទ ប្រុសអាយុ២៤ឆ្នាំមានទីលំនៅភូមិអង្គខ្លើឃុំត្បែង ស្រុកកណ្ដាលស្ទឹង ខេត្តកណ្ដាល បើកបរក្នុងទិសដៅពីត្បូងមកជើង(ស្លាប់)មានអ្នករួមដំណើរ ម្នាក់មិនស្គាល់ឈ្មោះរងរបួសធ្ងន់បានបញ្ជូនទៅមណ្ឌលសុខភាព អន្លង់រមៀតឃុំអន្លង់រមៀតស្រុកកណ្ដាលស្ទឹង(ស្របទិសគ្នា)។ ចំណែកអ្នកស្លាប់ត្រូវបានបងប្អូនសាច់ញាតិទទួលយកទៅធ្វើបុណ្យតាមប្រពៃណី ដោយមិនប្តឹងតវ៉ាអ្វីទាំងអស់៕
អ្នកបើកម៉ូតូនិកស្លាប់ រីឯមិត្តភ័ក្ដិរបួសធ្ងន់ ដោយត្រូវរថយន្តបុកនៅផ្លូវជាតិលេខ៣
0 Comments