ភ្នំពេញ ៖ ដោយសារតែស្រវឹងខ្លាំងពេក យុវជនម្នាក់បានជិះម៉ូតូយ៉ាងលឿនជ្រុលទៅបុករ៉ឺម៉កម៉ូតូកង់បីពីក្រោយពេញទំហឹង បណ្តាលឱ្យម្ចាស់រ៉ឺម៉កម៉ូតូរងរបួស ហើយខ្លួនឯងត្រូវដួលប្រកាច់ប្រកិន កាលពីវេលាម៉ោង១២នឹង៥០នាទីរំលងអធ្រាត្រឈាន ចូលថ្ងៃទី១៤ ខែកញ្ញា ឆ្នាំ២០១៥ តាមបណ្តោយផ្លូវព្រះនរោត្តម ស្ថិតក្នុងសង្កាត់ជ័យជំនះ ខណ្ឌដូនពេញ។
ប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុគេឃើញរ៉ឺម៉កម៉ូតូកង់បីមួយគ្រឿង ឌុបភ្ញៀវបរទេសប្រុសស្រី២នាក់ ជិះតាមបណ្តោយផ្លូវព្រះនរោត្ដមទិសដៅពីត្បូងទៅជើង លុះមកដល់ចំណុចកើតហេតុក៏ស្រាប់តែមានយុវជនម្នាក់ជិះម៉ូតូម៉ាក SIRIUS ពណ៌ក្រហមលាយខ្មៅ ពាក់ស្លាកលេខ ខេមរភូមិន្ទ១-៩១៦៨ ជិះក្នុងល្បឿនយ៉ាងលឿនទិសដៅស្របគ្នាមកពីក្រោយ ក៏បានជ្រុលទៅបុករ៉ឺម៉កកង់បីពីក្រោយពេញ ទំហឹង វិលក្រឡាប់ផ្ងារជើងបណ្តាលឱ្យម្ចាស់រ៉ឺម៉ករងរបួស។
ប្រភពព័ត៌មានបន្តទៀតថា ក្រោយកើតហេតុភាគីទាំងសងខាងចរចាគ្នាមិនត្រូវ សមត្ថកិច្ចមូលដ្ឋានបានសហការជាមួយជំនាញ ធ្វើការវាស់វែងយករ៉ឺម៉កម៉ូតូកង់បី និងម៉ូតូទៅរក្សាទុកនៅអធិការដ្ឋាននគរបាលខណ្ឌដូនពេញ រង់ចាំដោះស្រាយ នាពេលក្រោយបន្តទៀត៕
ស្រវឹងដាបជិះម៉ូតូទៅបុករ៉ឺម៉កម៉ូតូកង់បីក្រឡាប់ផ្ងារជើង បណ្ដាលឱ្យម្ចាស់រ៉ឺម៉ករងរបួស
0 Comments