ពោធិ៍សាត់ ៖ កាលពីព្រឹកថ្ងៃទី១០ ខែកញ្ញា ឆ្នាំ២០១៥ នៅវេលាម៉ោង១០និង៣០នាទី កម្លាំងនគរបាលបានធ្វើការឃាត់ខ្លួនជនសង្ស័យចែកចាយគ្រឿងញៀន២នាក់ នៅភូមិពេជបាន ឃុំលាច ខេត្តពោធិ៍សាត់។
សេចក្តីរាយការណ៍បានឲ្យដឹងថា ការចុះបង្ក្រាបមុខសញ្ញាចែកចាយគ្រឿងញៀននេះ បានធ្វើឡើងក្រោមការដឹកនាំដោយលោកឧត្តមសេនីយ៍ត្រី វង សាវេត។ ជនសង្ស័យទាំង២នាក់ខាងលើនោះទី១មានឈ្មោះតាំង ជិនឃៀង (ហៅតឿ) ភេទប្រុស អាយុ៣៥ឆ្នាំ រស់នៅភូមិពេជបាន ឃុំលាច ខេត្តពោធិ៍សាត់ ទី២ឈ្មោះឆេង បញ្ញា ភេទស្រី អាយុ២០ឆ្នាំ មានទីលំនៅការ៉ាអូខេម្លប់ស្វាយ រស់នៅភូមិប៉ែន ឃុំលាច។
សេចក្តីរាយការណ៍បានឲ្យដឹងទៀតថា កម្លាំងនគរបាលបានដកហូតវត្ថុតាងរួមមាន ម្ស៉ៅសារធាតុញៀនពណ៌ស ចំនួន១០កញ្ចប់ ទូរស័ព្ទដៃ៤គ្រឿង ដបសម្រាប់ជក់១ ទុយោ៧៩ដើម និងដែកកេស ១២រួមទាំងសម្ភារៈមួយចំនួនទៀត។
ការបង្ក្រាបនេះគឺកម្លាំងនគរបាលបានឃាត់ខ្លួននៅនឹងផ្ទះរបស់ជនសង្ស័យតែម្តង៕
កម្លាំងនគរបាលឃាត់ខ្លួនជនសង្ស័យ២នាក់ចែកចាយគ្រឿងញៀន
0 Comments