ក្រុមកីឡាការិនីជម្រើសជាតិបារាំងដែលធ្វើជាម្ចាស់ផ្ទះព្រឹត្តិការណ៍បាល់ទាត់ World Cupនោះ បានលុបឈ្មោះខ្សែប្រយុទ្ធរបស់ក្លិប Paris St Germain និងជាកំពូលអ្នករកគ្រាប់បាល់នៅក្រុម Leagueកីឡាការិនី Marie-Antoinette Katoto ចេញពីជម្រើសកីឡាការិនី២៣នាក់ដំបូង ដែលត្រូវបានប្រកាសឲ្យដឹងដោយគ្រូបង្វឹក Corinne Diacre កាលពីថ្ងៃព្រហស្បតិ៍។
អ្នកស្រី Diacre ដែលបានតែងតាំងកីឡាការិនីរបស់គាត់ដោយមានការផ្សាយផ្ទាល់លើទូរទស្សន៍ TF1បាននិយាយថា វាពិតជាពិបាកខ្លាំងណាស់ ប៉ុន្តែអ្នកស្រី បានពិចារណាលើការសម្រេចចិត្តមិនបញ្ចូលកីឡាការិនីវ័យ២០ឆ្នាំ ដែលរកបាន២២គ្រាប់នៅក្រុម League។
អ្នកស្រី Diacre ដែលបានរិះគន់ចំពោះសកម្មភាពលេងនៅក្រុមជម្រើសជាតិរបស់កីឡាការិនី Katoto នោះ បាននិយាយថា កីឡាការិនី Marie-Antoinette មាននូវសក្តានុពលរបស់នាង។ នាងនៅក្មេង ហើយនាងនឹងមានអនាគតវែងឆ្ងាយតទៅមុខទៀត។
អ្នកស្រីបន្តថា ក្រុមជម្រើសជាតិបារាំង នឹងឆ្លងកាត់ពេលវេលាដ៏អស្ចារ្យក្នុងរយៈពេលប៉ុន្មានឆ្នាំខាងមុខនេះ។ តាមគំនិតរបស់គាត់ នាងកំពុងខ្វះខាតអ្វីមួយ ហើយអ្នកដទៃទៀតនៅពេលនេះ បានបង្ហាញនូវសក្តានុពលខ្លាំងក្លាជាង។ ហេតុដូច្នេះហើយ ទើបគាត់ធ្វើការសម្រេចចិត្តបែបនេះ។
ខណៈនោះដែរ កីឡការិនី Emelyne Laurent គឺជាខ្សែប្រយុទ្ធរបស់ក្លិប Guingamp បានចូលខ្លួនមកជំនួសវិញសម្រាប់ការប្រកួតបាល់ទាត់ពិភពលោក ចាប់ពីថ្ងៃទី៧ ខែមិថុនា ដល់ឆ្នាំ៧ ខែកក្កដា ខាងមុខនេះ៕
Source: Kampuchea Thmey Daily
0 Comments