ភ្នំពេញ ៖ នៅរាត្រីថ្ងៃទី២ ខែឧសភាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបពិភាក្សា ជាមួយលោក ង្វៀន សួនហ្វ៊ុក នាយករដ្ឋមន្ត្រីនៃសាធារណរដ្ឋសង្គមនិយមវៀតណាម។ ក្នុងជំនួបពិភាក្សាគ្នានោះ លោកនាយករដ្ឋមន្ត្រីវៀតណាម មានប្រសាសន៍ក្នុងនាមរដ្ឋាភិបាលនិងប្រជាជនវៀតណាមលោកផ្ទាល់ សូមសំដែងនូវការគោរពយ៉ាងជ្រាលជ្រៅបំផុតជូនចំពោះ សម្តេចតេជោ នាយករដ្ឋមន្ត្រីដែលបានឆ្លៀតពេលវេលាដ៏មានតម្លៃបំផុតដឹកនាំគណ´ប្រតិភូជាន់ខ្ពស់រាជរដ្ឋាភិបាលនិងកងទ័ពនៃប្រទេសកម្ពុជាអញ្ជើញគោរព វិញ្ញាណក្ខន្ធ លោក ឡេ ឌឹកអាញ់ ដែលជាមេដឹកនាំដ៏ឆ្នើមរបស់ប្រទេសនិងប្រជាវៀតណាម។
សម្តេចតេជោនាយករដ្ឋមន្ត្រីមានប្រសាសន៍អរគុណជូនចំពោះលោកនាយករដ្ឋមន្ត្រីវៀតណាម ដែលបានជួយសម្រួលដល់គណៈប្រតិភូកម្ពុជាបាន អញ្ជើញគោរពវិញ្ញាណក្ខន្ធលោក ឡេ ឌឹកអាញ់ ដែលជាមេដឹកនាំកំពូលមួយរូបរបស់ប្រទេសវៀតណាមដែលមានគុណបំណាច់ជួយរំដោះប្រទេស កម្ពុជាចេញពីរបបប្រល័យពូជសាសន៍ ប៉ុល ពត និង ការទប់ស្កាត់មិនឲ្យវិលត្រឡប់មកវិញនៃរបប ប៉ុល ពត។
សម្តេចតេជោនាយករដ្ឋមន្ត្រីមានប្រសាសន៍បន្តថា សម្តេចនឹងសរសេរសារដ៏មានសារសំខាន់លើសៀវភៅក្រាំងមាសនៃការចូលរួមរំលែកទុក្ខដើម្បី ជាការជូនដំណើរជាលើកចុងក្រោយជូនដល់វិញ្ញាណក្ខន្ធលោក ឡេ ឌឹកអាញ់។ សម្តេចតេជោនាយករដ្ឋមន្ត្រីក៏បានរៀបរាប់ពីប្រវត្តិនៃការជួបសន្ទនាជាមួយលោក ឡេ ឌឹកអាញ់ ទាំងក្នុងពេលនៅមន្ទីរពេទ្យនិងការងារផ្សេងៗដោយបានចាត់ទុកថាលោក ឡេ ឌឹកអាញ់ គឺជាមេដឹកនាំកំពូលរបស់ វៀតណាមដែលបានជួយដល់កម្ពុជាទាំងផ្នែកស៊ីវិល និងកងកម្លាំងប្រដាប់អាវុធ ។
សម្តេចតេជោមានប្រសាសន៍សង្កត់ធ្ងន់ថានេះគឺជាលើកចុងក្រោយនៃការអញ្ជើញមកគោរពវិញ្ញាណក្ខន្ធលោក ឡេ ឌឹកអាញ់ ពិសេសការបញ្ជាក់ ពីការគោរពស្រឡាញ់ក្នុងនាមជាប្រទេសដែលមានភូមិផងរបងជាមួយ ។ សម្តេចតេជោមានប្រសាសន៍បន្តថាវត្តមានរបស់សម្តេចនិងគណៈប្រតិ ភូនៅពេលនេះគឺបានបញ្ជាក់ពីការគោរពស្រឡាញ់ពីគ្នាទៅវិញទៅមក ក្នុងនាមជាប្រជាជនដែលធ្លាប់តែជួយគ្នាក្នុងគ្រាមានការលំបាកដូចគ្នាកាល ពីអតីតកាល ។ ក្នុងជំនួបពិភាក្សាគ្នានោះដែរមេដឹកនាំនៃប្រទេសទាំងពីរកម្ពុជាវៀតណាមក៏បានពិភាក្សាគ្នាផងដែរពីជំនួបក្នុងអាហារពេលព្រឹក នៅទីក្រុងប៉េកាំងប្រទេសចិន ក្នុងឱកាសដែលមេដឹកនាំទាំងពីរអញ្ជើញចូលរួមវេទិកាខ្សែក្រវាត់ និងផ្លូវ លើកទី២ស្តីពីកិច្ចសហប្រតិបត្តិការអន្តរជាតិ ។ ជាមួយគ្នានេះភាគីទាំងពីរក៏បានធ្វើការពិភាក្សាផងដែរទាក់ទិនទៅនឹងទំនាក់ទំនងទ្វេភាគីពហុភាគី បញ្ហាតំបន់ និង អន្តរជាតិដែលមានការយក ចិត្តទុកដាក់ដូចគ្នា ។
គួរបញ្ជាក់ជួបដែរថាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិង គណៈប្រតិភូជាន់ខ្ពស់រាជរដ្ឋាភិ បាលកម្ពុជាបានអញ្ជើញទៅដល់ទីក្រុងហាណូយសាធារណរដ្ឋសង្គមនិយមវៀតណាមប្រកបដោយសុវត្ថិភាពដើម្បីចូលរួមគោរពវិញ្ញាណក្ខន្ធ លោក ឡេ ឌឹកអាញ់ អតីតប្រធានាធិបតីវៀតណាមដែលគ្រោងធ្វើឡើងនៅព្រឹកថ្ងៃទី ៣ ខែ ឧសភានេះ ។
យន្តហោះពិសេសរបស់ព្រះរាជាណាចក្រកម្ពុជាជើងហោះហើរលេខ០០១ បានធ្វើការចុះថតនៅអាកាសយានដ្ឋានអន្តរជាតិណូយបៃកាលពីវេលា ម៉ោង១៧និង១០នាទី ក្រោមវត្តមាននៃការទទួលបដិសណ្ឋារកិច្ចស្វាគមន៍យ៉ាងស្និទ្ធស្នាលរាក់ទាក់បំផុតពីលោក Nguyen Quoc Cuong អនុ រដ្ឋមន្ត្រីក្រសួងការបរទេសវៀតណាម ព្រមទាំងវត្តមានអស់លោក លោកស្រី ជាឥស្សរជនជាន់ខ្ពស់រដ្ឋាភិបាលវៀតណាមនិងឥស្សរជនការទូតរប ស់កម្ពុជាប្រចាំប្រទេសវៀតណាមជាច្រើនរូប។
សម្តេចតេជោនាយករដ្ឋមន្ត្រីនិងគណៈប្រតិភូជាន់ខ្ពស់រាជរដ្ឋាភិបាលកម្ពុជាបានអញ្ជើញគោរពវិញ្ញាណក្ខន្ធ អតីតប្រធានរដ្ឋវៀតណាមនៅអគារ បញ្ចុះសពផ្លូវការក្នុងទីក្រុងហាណូយនៅព្រឹកថ្ងៃទី ៣ ឧសភា នេះរួចហើយ ។
លោក ឡេ ឌឹកអាញ់ បានទទួលមរណភាព ក្នុងអាយុ៩៩ឆ្នាំ កាលពីវេលាយប់ថ្ងៃទី ២២ ខែមេសាឆ្នាំ២០១៩ ដោយសាររោគាពាធ ៕
Source: Kampuchea Thmey Daily
0 Comments