គ្រាប់បាល់ក្នុងតង់ទី១របស់កីឡាករ Pedro បានជួយឲ្យក្រុម Chelseaរកបានគុណសម្បត្តិបន្តិចបន្តួច នៅការប្រកួតវគ្គពាក់កណ្តាលផ្តាច់ព្រ័ត្រ Europa Leagueរបស់ពួកគេ ពេលដែលពួកគេបានទាត់ស្មើ១-១ជាមួយក្រុម Eintracht Frankfurt កាលពីថ្ងៃព្រហស្បតិ៍។
គ្រាប់បាល់ស្មើរបស់កីឡាករ Pedro បានធ្វើឲ្យក្រុម Chelseaរកបានគ្រាប់បាល់ក្រៅទឹកដីដ៏ចាំបាច់ ក្រោយជំនួបជើងជើងទី១ដ៏ស្វាហាប់ នៅក្នុងបរិយាកាសដ៏អាប់អួរមួយក្នុងទឹកដី Commerzbank Arena ។
ដោយសារតែមានការជួយលើកទឹកចិត្តពីក្រុមអ្នកគាំទ្រក្រុមម្ចាស់ផ្ទះ ក្រុម Frankfurt បានធ្វើឲ្យក្រុម Chelseaមានការភ្ញាក់ផ្អើលយ៉ាងខ្លាំងនៅក្នុងតង់ទី១ មុនពេលគ្របដណ្តប់ការប្រកួតខ្លាំងទៀតនៅតង់ទី១។
ក្រុម Frankfurt របស់លោក Adi Huetter បានព្យាយាមវាយលុកដូចទឹកបាក់ទំនប់នៅក្នុងតង់ទី២ ប៉ុន្តែពួកគេនៅតែមិនអាចទម្លុះខ្សែការពារក្រុមChelseaបានដដែល ជាហេតុធ្វើឲ្យការប្រកួតរបស់ពួកគេនៅទ្រឹង មុនជំនួបជើងទី២នាថ្ងៃព្រហស្បតិ៍សប្តាហ៍ក្រោយនៅក្នុងទីក្រុងឡុងដ៍។
គ្រូបង្វឹករបស់ក្រុម Chelseaលោក Maurizio Sarri បានចងចិញ្ចើមជាមួយនឹងការសម្រេចចិត្តរបស់គាត់ក្នុងការទុកឲ្យកីឡាករ Eden Hazard ស្ថិតនៅក្រៅជម្រើស១១នាក់ដំបូង ហើយក្រុមរបស់គាត់លេងបានយ៉ាងត្រដាបត្រដួលបំផុតជាមួយក្រុមជើងខ្លាំងអាល្លឺម៉ង់ Frankfurt ពិសេសនៅក្នុងតង់ទី១តែម្តង៕
Source: Kampuchea Thmey Daily
0 Comments