បន្ទាយមានជ័យ ៖ ព្រឹកថ្ងៃទី១៣ ខែកញ្ញា ឆ្នាំ២០១៥ លោកឧត្តមសេនីយ៍ត្រីសេង ធារិនមេបញ្ជាការរងកងពលលេខ១៥បានដឹកនាំកម្លាំងរបស់កងពល៥១មានចំនួន២៣នាក់បានចុះជួយសាងសង់លំនៅឋានជូនពលរដ្ឋក្រីក្រ ពីស្បូវ មកប្រក់ស័ង្កសីចំនួន២ខ្នងនៅក្នុង ភូមិគោរមៀត ឃុំគោករមៀត ស្រុកថ្មពួក ខេត្តបន្ទាយមានជ័យ។
លោកឧត្តមសេនីយ៍ត្រីសេង ធារិន មេបញ្ជាការរងកងពលលេខ៥១បានឲ្យដឹងថា កងពល៥១ដែលជួយសង់ផ្ទះឲ្យជនក្រីក្រ ១មានឈ្មោះរៀ ហួយ ភេទស្រី អាយុ៥៨ ឆ្នាំ មានកូន៣នាក់ជាស្ត្រីមេម៉ាយ រស់នៅភូមិ ឃុំគោករមៀត ស្រុកថ្មពួក ខេត្តបន្ទាយមានជ័យ ជួយជួសជុលរុះរើនឹងធ្វើថ្មី ប្រក់សង្ក័សី មានទំហំ ៤ម គុណនឹង៦ម ២មានឈ្មោះណាប់ ឌី ភេទស្រី អាយុ៤៥ឆ្នាំ មានកូន៣នាក់ ជាស្ត្រី មេម៉ាយរស់នៅភូមិ ឃុំគោករមៀត ស្រុកថ្មពួក បន្ទាយមានជ័យ ជួយរុះរើ និងធ្វើថ្មីប្រក់សង្ក័សី មានទំហំ ៤ម គុណនឹង៤ម លោកឧត្តមសេនីយ៍បានផ្ដល់ជាអំណោយបន្ថែមទៀតដូចជា ទឹកត្រី ទឹកស៊ីអ៊ីវ អង្ករ និងថវិកា៥ម៉ឺនរៀលទៀតផង។
លោកសេង ធារិនបានបញ្ជាក់ទៀតថា យោធាក្នុងអង្គភាពកងពលលេខ៥១នោះក្រៅពីការងារការពារជាតិក៏នៅមានភារកិច្ចបន្ទាប់បន្សំមួយទៀតគឺចុះជួយធ្វើផ្ទះជូនប្រជាពលរដ្ឋក្នុងករណី ដូចជា ជនក្រីក្រគ្មានទីពឹង ក្រីក្របំផុត ជួបប្រទះរងគ្រោះដោយធម្មជាតិ និងខ្យល់កន្ត្រាក់ជាដើម។ប្រជាពលរដ្ឋទាំង២គ្រួសារនោះក្រោយពេលបានឃើញយោធាក្នុងអង្គភាព៥១ជួយធ្វើផ្ទះជូនពួកគាត់ដោយមិនខ្លាចពីការនឿយហត់នោះគាត់បានថ្លែងអំណរគុណយ៉ាងជ្រាលជ្រៅនិងធ្វើការបួងសួងសុំឲ្យអស់លោកជួបប្រទះនិងតែសេចក្តីសុខ៕
កម្លាំងកងពលលេខ៥១ចុះជួយសង់ផ្ទះជូនប្រជាពលរដ្ឋក្រីក្រនៅឃុំគោករមៀត
0 Comments