សាន សូម៉ាលី បដិសេធរឿងមានប្រុសចិញ្ចឹម

ភ្នំពេញ ៖ កន្លងមកសាន សុម៉ាលី ធ្លាប់លេចលឺថា មានបុរសអាណិកជនខ្មែររស់នៅប្រទេសប្រទេសបារាំងវ័យស្របាលនាងចង់រៀបការជាមួយក្រោយមកក៏ស្ងប់ស្ងាត់ រួចក៏លេចដំណឹងទៀតថា តារាស្រីរូបនេះបានរស់នៅក្រោមការឧបត្ថម្ភរបស់អ្នកមានទ្រព្យម្នាក់ដោយគេឃើញនាងបាត់មុខឈឹងពីសិល្បៈ តែនាងថា រស់នៅ ម្នាក់ឯងមិនពាក់ព័ន្ធជាមួយអ្នកណាឡើយ។

ការរយាលពីសិល្បៈរបស់កញ្ញា សាន សុម៉ាលី គេដឹងថា ពីមូលហេតុពិតប្រាកដទេ គេតែងសង្កេតឃើញពេលចុងក្រោយនេះ នាងហាក់ឃ្លាតឆ្ងាយពីការសម្តែងភាពយន្តមិនថារឿងដុំនិងរឿងភាគទេ ជានិច្ចកាលគេឃើញមានមុខតាមកញ្ចក់ទូរទស្សន៍ផ្សាយស្ប៉តពាណិជ្ជកម្មឬខារ៉ាអូខេក្នុងស្រុកនិងក្រៅស្រុកប៉ុណ្ណោះ។ ការបាត់មុខនេះត្រូវបានមហាជនលើកឡើងថា នាងបានរស់នៅស្រួលខ្លួនហើយចាំបាច់អី ទៅចំណាយកម្លាំងក្រោមថ្ងៃក្តៅហែងធ្វើអីបើ មានអ្នកឲ្យលុយចាយស្រាប់ៗហើយនោះ។ មានការលើកឡើងថា ការដែលនាងបង្ហាញមុខម្តងម្កាល គឺមិនចង់ឲ្យមហាជនភ្លេចមុខតែ ប៉ុណ្ណោះ។ ទាក់ទងរឿងនេះនាងប្រាប់ឲ្យដឹងថា សព្វថ្ងៃ នេះ ខ្ញុំគ្មានប្រុសណាចិញ្ចឹមទេ មិនបានរស់នៅ ជាមួយអ្នកណាទេ គឺមានតែគ្រួសារជាអ្នកចិញ្ចឹម តើអាចមានអ្នកណាចិញ្ចឹម បើខ្ញុំកំពុងយ៉ាប់ផង កុំថាឡើយ អ្នកចិញ្ចឹមសូម្បីអ្នកយល់ចិត្តក៏គ្មានដែរ។

ខ្ញុំអាយុច្រើនតែពិបាករកមើលអ្នកត្រូវចិត្តណាស់ ព្រោះសព្វថ្ងៃចង់នៅរកលុយជួយចិញ្ចឹម គ្រួសារសិន ដោយជីវភាពសព្វថ្ងៃពុំសូវធូរធារទេ។ នាងបន្តថា នាងខ្ញុំឥឡូវចំពោះរឿងគូស្រករវិញគឺចង់រស់នៅដូចអឺរ៉ុបយល់ចិត្តគ្នាមុនសិន ទៀបរៀបការជាក្រោយ ព្រោះមានមហាជនជាច្រើនដែរ ដែលសម្រេចចិត្តធ្វើបែបនេះ។ នាងលើកឡើងទៀតថា ចំពោះអ្នកសិល្បៈវិញរស់នៅបានដោយសារការសម្តែង តែការងាររបស់ខ្ញុំវិញសព្វថ្ងៃខ្ញុំគិតថា មានការធ្លាក់ចុះ ច្រើន ខ្ញុំមិនទទួលបានការងារច្រើនដូចមុនៗឡើយ គឺមានតែការថតស្ប៉តពាណិជ្ជកម្មមួយៗ និងថតខារ៉ាអូខេប៉ុណ្ណោះ។

ពាក់ព័ន្ធរឿងនេះ គឺមិនមែនថាខ្ញុំមិនទទួលសម្តែងទេ តែមកពីចរចា គ្នាមិនត្រូវ ពេលខ្លះពិបាកនិយាយទាំងតម្លៃនិងតួអង្គ ព្រោះខ្ញុំគិតថា អ្នកដឹកនាំឥឡូវមិនសូវឲ្យតម្លៃលើតារាសម្តែងប៉ុន្មានដែរ។

ពេលនេះការបាត់មុខនេះ នាងនិយាយទៀតថា ព្រោះខ្ញុំមានគម្រោងចង់បើកហាងជាមួយមិត្តភក្តិលក់ចំណីអាហារអាចទៅរួច ព្រោះខ្ញុំបានទៅរៀនធ្វើម្ហូបនៅប្រទេសថៃ ជាពិសេសគម្រោងបុកល្ហុង ព្រោះថ្វីដៃខ្ញុំគួរសម បើរំពឹងថា បើបើកធ្វើអាជីវកម្មនៅពេលណាសង្ឃឹមថា នឹងមានភ្ញៀវចូលច្រើនមិនខាន៕