អង្គភាពបង្ក្រាបបទល្មើសលើផ្ទៃសមុទ្រប្រជុំបូកសរុបសភាពការណ៍និងលទ្ធផលកិច្ចប្រតិបត្តិការការពារសន្តិសុខ
ព្រះសីហនុ ៖ កិច្ចប្រជុំនេះរៀបចំឡើងនាព្រឹកថ្ងៃទី១៤ខែកញ្ញា ឆ្នាំ២០១៥នៅទីបញ្ជាការអង្គភាពនគរបាលបង្ក្រាបបទល្មើសលើផ្ទៃសមុទ្រខេត្តព្រះសីហនុ ក្រោមអធិបតីភាព នាយឧត្តមសេនីយ៍ ដាំ វទ្ធី អគ្គស្នងការរង នគរបាលជាតិ ឧត្តមសេនីយ៍ឯក តេង សួន អគ្គលេខាធិការរងនៃគណៈកម្មការជាតិ សន្តិសុខ លម្ហ សមុទ្រ និងជាប្រធាននាយកដ្ឋានព្រំដែនទឹក ព្រមទាំងមានការអញ្ជើញចូលរូម ពីរសំណាក់ មន្ត្រីថ្នាក់ ដឹកនាំកងកម្លាំង ប្រដាប់អាវុធ ប៉ូលិស ប៉េអិមក្នុងខេត្តព្រះសីហនុជា ច្រើនរូបផងដែរ។
លោកឧត្តមសេនីយ៍ឯក តេង សួន នាឧកាសនោះបានមានប្រសាសន៍ទទូលស្គាល់និងកោតសរសើរ ចំពោះលទ្ធផលដែលអង្គភាពបង្ក្រាបបទល្មើសលើផ្ទៃសមុទ្រអនុវត្តន៍ក្នុងរយៈពេល៩ ឆ្នាំ២០១៥ កន្លងមកនេះដូចជាការបង្ក្រាបបទល្មើសនេសាទ បទល្មើសព្រែឈើ បទល្មើសប្លន់ លើផ្ទៃសមុទ្រ ជាដើមរួមនិងកិច្ច ការងារមនុស្សធម៌ជួយដល់ជនរងគ្រោះដោយខ្យល់ព្យុះធម្មជាតិ។
ជាមួយគ្នានេះ លោកឧត្តមសេនីយ៍ឯក តេង សួន ក៏បានបញ្ជាក់ផងដែរថា នគរបាលការពារព្រំ ដែនទឹកមានតួនាទីភារកិច្ចត្រូវសហការជាមួយកងយោធពលខេមរភូមិន្ទក្នុងការការពារបូរណភាពទឹកដីនិងសហការជាមួយសមត្ថកិច្ចពាក់ព័ន្ធរួមនិងអាជ្ញាធរដែនដីដើម្បីការពារសន្តិសុខ សណ្តាប់ធ្នាប់ជូនប្រជាពលរដ្ឋ។ ដោយក្នុងលោកឧត្តមសេនីយ៍ឯក ក៏បានសង្កត់ធ្ងន់ផងដែរ ទៅដល់មន្ត្រីក្រោមឱវាទគ្រប់លំដាប់ ថ្នាក់គឺត្រូវតែអនុវត្តន៍ឲ្យបានដាច់ខាតនូវរាល់ខ្លឹមសារប្រសាសន៍ដ៏ខ្ពង់ខ្ពស់របស់សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសូងមហាផ្ទៃ ដែលបានលើកាលពីព្រឹកថ្ងៃទី៨ ខែកញ្ញា ឆ្នាំ២០១៥ ខណៈពេលសម្តេច ធ្វើជាគណៈអធិបតីក្នុងពីធីក្រកាសឡើងការតំណែង លោក យន្ត មីន ជាអភិបាលនែ គណៈអភិបាលខេត្តព្រះសីហនុ។
នាយឧត្តមសេនីយ៍ ដាំ វទ្ធី អគ្គស្នងការរង នគរបាលជាតិ ក្រៅពីមានប្រសាសន៍សំណេះសំណាល លោកក៏បានធ្វើការណែនាំផងដែរ ទៅដល់កងកម្លាំងប្រដាប់អាវុធអង្គភាពបង្ក្រាបបទល្មើសលើផ្ទៃសមុទ្រ ទាំងអស់ ត្រូវលុបបំបាត់បាននូវវប្បធម៌ដណ្តើមស្នាដៃគ្នារវាងសមត្ថកិច្ចនិងសមត្ថកិច្ច និងត្រូវបន្តការហាត់ហ្វឹកហ្វឺនផ្ទៃក្នុងបន្ថែមទៀត ដូចជាការពង្រឹងការយាមល្បាត ក្នុងភូមិសាស្ត្រទទួលខុសត្រូវ របស់ខ្លួន កែលំអ ជីវភាព កងទ័ព និងធ្វើយ៉ាងណាសហការឲ្យបានល្អប្រសើរជាមួយសមត្ថកិច្ច ពាក់ព័ន្ធរួមនិងអាជ្ញាធរ មូលដ្ឋានការពារសុខសន្តិភាពជូនប្រជាពលរដ្ឋនិងសង្គមជាតិ៕
0 Comments