ស្ទឹងត្រែង ៖ ជនជាតិចំនួន២នាក់ ម្នាក់មានដើមកំណើតជាខ្មែរ ពាក់ព័ន្ធក្នុងករណីជួនដូរគ្រឿងញៀនឆ្លងដែន ត្រូវបានកម្លាំងអាវុធហត្ថខេត្ត ដឹកនាំផ្ទាល់ដោយលោកដួងវិត្រ ប្រធានមន្ទីរព័ត៌មាននិងសន្តិសុខអាវុធហត្ថខេត្តស្ថិតក្រោមការបញ្ចា ពីលោកឧត្តមសេនីយ៍ត្រីអៀង វ៉ានឌី បានបើកប្រតិបត្តិការឃាត់ខ្លួនជនសង្ស័យជនជាតិឡាវចំនួន២នាក់បញ្ជូនមកទីបញ្ជាការកងរាជអាវុធហត្ថខេត្ត។
ជនសង្ស័យជនជាតិឡាវទាំង២នាក់ ត្រូវបានកម្លាំងអាវុធហត្ថខេត្ត ធ្វើការឃាត់ខ្លួនកាលពីវេលាម៉ោង១២និង៣០នាទីថ្ងៃទី១៧ ខែកញ្ញា ឆ្នាំ២០១៥ត្រង់ចំណុចភូមិកំពង់ស្រឡៅ ឃុំកំពង់ស្រឡៅស្រុកឆែបខេត្តព្រះវិហារនិងបានបញ្ជូនមកដល់ទីបញ្ជាការខេត្តនៅម៉ោង១៥និង៣០នាទីល្ងាច។
លោកវរសេនីយ៍ទោដួង វិចិត្រប្រធានមន្ទីរព័ត៌មាននិងសន្តិសុខអាវុធហត្ថខេត្តបានអោយដឹងថា ជនសង្ស័យជនជាតិឡាវទាំង២នាក់មាន១ឈ្មោះថន ប៉ុល ភេទប្រុស អាយុ៣៧ឆ្នាំ មានស្រុកកំណើតនៅតាសែង ឃុំរណៈសេរ្យ ស្រុកសង្គមថ្មីខេត្តព្រះវិហារ បច្ចុប្បន្នមានប្រពន្ធប្រទេសឡាវ)និង២ឈ្មោះសំ ប៊ូនភេទប្រុស អាយុ៣៧ឆ្នាំ អ្នកទាំង២បច្ចុប្បន្នរស់នៅភូមិណាទា ស្រុកមឿងមុន ខេត្តចំប៉ាសាក់ ប្រទេសឡាវ។
លោកវរសេនីយ៍ទោបានបន្តទៀតថា ជនសង្ស័យជនជាតិឡាវទាំង២នាក់ ត្រូវបានកម្លាំងអាវុធហត្ថឃាត់ខ្លួនខណៈរូបគេទាំង២នាក់ បាននាំគ្រឿងញៀន តាមទូកចូលមកទឹកដីកម្ពុជា ត្រង់ចំណុចខាងលើក៏ត្រូវបានសមត្ថកិច្ចធ្វើការឃាត់ខ្លួនតែម្តង ព្រមទាំងបានធ្វើការដកហូតវត្ថុតាងគ្រឿងញៀនប្រភេទមេតំហ្វេតាមីន(WY)ចំនួន១០កញ្ចប់ស្មើនិង២ពាន់គ្រាប់ និងបាននាំខ្លួនមកកាន់ទីបញ្ជាការអាវុធហត្ថខេត្តធ្វើការសួរនាំ។
ជនសង្ស័យបានឆ្លើយសារភាពចំពោះមុខសមត្ថកិច្ចថាខ្លួនទាំង២នាក់បានចាញ់បោកគេជនជាតិឡាវម្នាក់នាំយកកញ្ចប់នោះមកអោយគេ និងទទួលបានប្រាក់១កញ្ចប់ចំនួនប្រាំពាន់គិប ហើយពួកគេមិនដឹងថា ក្នុងកញ្ចប់នោះមានស្អីទេ គ្រាន់តែមកដល់ចំណុចខាងលើក៏ត្រូវបានសមត្ថកិច្ចឃាត់ខ្លួនតែម្តង។
បច្ចុប្បន្នជនសង្ស័យជាជនជាតិឡាវទាំង២នាក់កំពុងស្ថិតក្រោមការសាកសួរពីសមត្ថកិច្ចជំនាញនិងធ្វើការរៀបចំសំណុំរឿងបញ្ជូនទៅកាន់តុលាការនៅព្រឹកថ្ងៃទី១៨កញ្ញាស្អែកនេះដើម្បីចាត់ការតាមនីតិវិធី៕
ឃាត់ខ្លួនជនជាតិឡាវ២នាក់ជាមួយគ្រឿងញៀន(WY)២ពាន់គ្រាប់(Update)
0 Comments