បាត់ដំបង ៖ នៅម៉ោង១២និង០០នាទី ថ្ងៃទី២៥ ខែតុលា ឆ្នាំ២០១៥ នៅចំណុចភូមិត្រពាំងព្រលឹត ឃុំសន្តិភាព ស្រុកសំពៅលូន ខេត្តបាត់ដំបង កម្លាំងមូលដ្ឋានកងរាជអាវុធហត្ថស្រុកសំពៅលូន សហការជាមួយនឹងកម្លាំងជំនាញខេត្ត បានចុះឃាត់ខ្លួនមុខសញ្ញាសង្ស័យពាក់ព័ន្ធករណីជួញដូរគ្រឿងញៀនចំនួន៤នាក់ ដែលរួមមាន ១-ឈ្មោះ សាំង សាល័យ ភេទស្រី អាយុ៣៥ឆ្នាំ រស់នៅត្រង់ចំណុចកើតហេតុខាងលើ។
២-ឈ្មោះ សុខ ភី ភេទប្រុស អាយុ១៨ឆ្នាំ រស់នៅភូមិអូ ឃុំពេជ្រចិន្ដា ស្រុកភ្នំព្រឹក។ ៣-ឈ្មោះ សឹង សេន ភេទប្រុស អាយុ៣២ឆ្នាំ រស់នៅភូមិ៥៦០ ឃុំកំរៀង ស្រុកកំរៀង។ ៤-ឈ្មោះ ចាន់ ដាវីន ភេទប្រុស អាយុ១៥ឆ្នាំ រស់នៅភូមិ/ឃុំកើតហេតុខាងលើ។
ក្នុងនោះដែរ កម្លាំងកងរាជអាវុធហត្ថបានឆែកឆេរ និងដកហូតថ្នាំញៀនប្រភេទយ៉ាម៉ាចំនួន១៤៣គ្រាប់។ ហើយបច្ចុប្បន្ន កំពុងរៀបចំសំណុំរឿងដើម្បីបញ្ជូនជនសង្ស័យ រួមទាំងវត្ថុតាងមកកាន់ការដ្ឋានកងរាជអាវុធហត្ថខេត្តចាត់ការតាមនីតិវិធីច្បាប់៕
ឃាត់ខ្លួនជនសង្ស័យ៤នាក់ ពាក់ព័ន្ធនឹងគ្រឿងញៀន១៤៣គ្រាប់
0 Comments