ក្លិបកុលាបក្រហម Blackburn Rovers បានបណ្ដេញគ្រូបង្វឹកលោក Gary Bowyer ចេញពីតំណែង បន្ទាប់ពីបានចំណាយពេលដឹកនាំក្លិបនេះរយៈពេល ២ឆ្នាំកន្លងមក។
គ្រូបង្វឹកវ័យ៤៤ឆ្នាំ សញ្ជាតិអង់គ្លេសរូបនេះ ត្រូវបានក្លិប Blackburn Rovers តែងតាំងធ្វើជាគ្រូបង្វឹកផ្លូវការ នៅឆ្នាំ២០១៣ ប៉ុន្តែរដូវកាលថ្មីនេះ គាត់បានដឹកនាំក្លិប Blackburn Rovers ទទួលបានជ័យជម្នះត្រឹមតែ ៣ប្រកួតប៉ុណ្ណោះក្នុងចំណោមការប្រកួត ១៦លើក។
បច្ចុប្បន្នក្លិបកុលាបក្រហម Blackburn Rovers កំពុងតែត្រូវការគ្រូបង្វឹកថ្មីដើម្បីចូលមកដឹកនាំ បន្ទាប់ពីក្លិបបានធ្លាក់ដល់លេខរៀងទី១៦ ក្នុងតារាងចំណាត់ថ្នាក់ក្របខ័ណ្ឌ Championship របស់អង់គ្លេស ដោយការប្រកួតកន្លងមកគឺឈ្នះ៣ប្រកួត ចាញ់៥ប្រកួត និងស្មើ៨ប្រកួត។
សូមបញ្ជាក់ថា ក្លិបកុលាបក្រហម Blackburn Rovers នឹងត្រូវជួបជាមួយក្លិប Preston នៅថ្ងៃសៅរ៍ ទី២១ ខែវិច្ឆិកា ខាងមុខដោយមិនទាន់ទាំងមានគ្រូបង្វឹកនៅឡើយ៕
ក្លិបកុលាបក្រហម Blackburn Rovers បណ្ដេញអ្នកចាត់ការលោក Gary Bowyer ចេញពីតំណែង
0 Comments