ភ្នំពេញ ៖ មន្ត្រីយោធាម្នាក់ ត្រូវបាន កម្លាំងនគរបាល មកពីស្រុកខ្សាច់ កណ្ដាល ខេត្តកណ្ដាលចុះមក សហការជាមួយនគរបាល ប៉ុស្តិ៍ស្រះ ចក ខណ្ឌដូនពេញចាប់ខ្លួនតាមអំណាចដីការបស់តុលាការខេត្តកណ្ដាលកាលពីរសៀលថ្ងៃទី១១ ខែវិច្ឆិកា ឆ្នាំ២០១៥ នៅភោជនីយដ្ឋានភូមិកោះកុង ខាងលិចហូលីដេ ក្នុងសង្កាត់ស្រះចក ខណ្ឌដូនពេញ។
សមត្ថកិច្ចបានឲ្យដឹងថា ការចាប់ឃាត់ខ្លួនជនសង្ស័យរូបនោះ គឺអនុវត្តតាមដីកាបញ្ជាឱ្យចាប់ ខ្លួន ក្រោមបទចោទប្រកាន់ក្លែងលិខិតនិង បទប្រើប្រាស់លិខិតក្លែង។ អធិការរងនគរបាល ទទួលផែនព្រហ្មទណ្ឌ ស្រុកខ្សាច់កណ្ដាល លោកអ៊ុន យ៉ុង បាន បញ្ជាក់ថា មន្ត្រីយោធារូបនេះ ត្រូវបានកម្លាំង របស់លោកចាប់ខ្លួនមែនតាមដីការបស់តុលា ការ ក្រោយពីជនរងគ្រោះ ប្ដឹងទៅកាន់តុលា ការ ហើយលោកមិនបានដឹងពីរឿងលំអិត នោះឡើយ ដោយបច្ចុប្បន្នយកមកសួរនាំ នៅអធិការដ្ឋាន មុនបញ្ជូនទៅកាន់តុលាការ នៅថ្ងៃទី១២ ខែ វិច្ឆិកា ឆ្នាំ២០១៥។
យោងតាមដីកាបង្គាប់ឱ្យចាប់ខ្លួនរបស់ លោកអ៊ី សុវណ្ណ ចៅក្រមស៊ើបសួរសាលា ដំបូងខេត្ដកណ្ដាល ចុះថ្ងៃទី២៨ ខែកញ្ញា ឆ្នាំ ២០១៥ បានបញ្ជាឱ្យសមត្ថកិច្ចចាប់ខ្លួនឈ្មោះ ណុប វុទ្ធី អាយុ៤៥ឆ្នាំ មុខរបរយោធារស់នៅ ភូមិព្រែកហ្លួង ឃុំព្រែកហ្លួង ស្រុកខ្សាច់ កណ្ដាល ខេត្ដកណ្ដាល ក្រោមបទចោទ ប្រកាន់ក្លែងលិខិតនិងបទប្រើប្រាស់លិខិតក្លែង ប្រព្រឹត្តនៅភូមិព្រែកហ្លួង កាលពីអំឡុងឆ្នាំ ២០១១ និង២០១២ មកម្ល៉េះបើទោះបីតុលាការបានគេចដីកាឲ្យជនសង្ស័យរូបនោះ ចូលខ្លួនបំភ្លឺតែជននោះព្យាយាមគេចវេះរហូតមកដល់ពេលចាប់ខ្លួនបាននេះតែម្ដង៕
ចាប់ខ្លួនមន្ត្រីយោធាម្នាក់អនុវត្តតាមដីកាខេត្តកណ្ដាល ពីបទក្លែងលិខិតនិង ប្រើប្រាស់លិខិតក្លែង
0 Comments