ក្រចេះ ៖ ឃាតករជាជនដៃដល់ស៊ីឈ្នួលសម្លាប់មនុស្សតម្លៃខ្លួនត្រឹម២លានរៀល និងស្ត្រីដែលនៅពីក្រោយជាអ្នកជួលឲ្យសម្លាប់ស្ត្រីរងគ្រោះជាម្ចាស់បំណុលក្នុងរឿងជម្លោះជំពាក់លុយចងការ នៅក្នុងភូមិចង្ហប ឃុំក្បាលដំរី ស្រុកសំបូរ ត្រូវបាននគរបាលវែកមុខចាប់ឃាត់ខ្លួនបានជាបន្តបន្ទាប់ ក្រោយពីចុះស្រាវជ្រាវអស់រយៈពេលជាង៤ម៉ោងនៅកន្លែងកើតហេតុ។
ស្ត្រីរងគ្រោះជាស្ត្រីមេម៉ាយកូន១រស់នៅចំណុចកើតហេតុត្រូវបានចាក់សម្លាប់ពីជនដៃដល់ប្រដាប់ដោយ ដែកគាស់ ដែកគោលមុខស្រួច ត្រូវចំគល់ដោះខាងឆ្វេង ខណៈដែលស្ត្រីរងគ្រោះកំពុងដេកលើប៉ោអ៊ី ក្រោមផ្ទះម្នាក់ឯងកាលពីវេលាម៉ោង២យប់ឈានចូលថ្ងៃទី២ ខែវិច្ឆិកា ឆ្នាំ២០១៥។
សមត្ថកិច្ចបានបញ្ជាក់ថា ស្ត្រីរងគ្រោះឈ្មោះ ហិន ភាព អាយុ៦១ឆ្នាំ រស់នៅភូមិ-ឃុំខាងលើជាអ្នក រកស៊ីចងការប្រាក់តាមភូមិ នគរបាលស្រុកសំបូរបានបង្ហាញអត្តសញ្ញាណជនដៃដល់ជាឃាតករស៊ីឈ្នួលឈ្មោះ ឡឹក ចាន់វាសនា ហៅក្លូ អាយុ២៨ឆ្នាំ ជាមុខសញ្ញាធ្លាប់ជាប់ពន្ធនាគារ និងក៏ជាមុខសញ្ញាប្រើប្រាស់គ្រឿងញៀន ចំណែកឯស្ត្រីដែលនៅពីក្រោយខ្នង និងជាអ្នកជួលជនដៃដល់ឲ្យសម្លាប់ឈ្មោះ ស៊ុន វ៉ារី ហៅវិន អាយុ៤៧ឆ្នាំ ហើយជនសង្ស័យប្រុស-ស្រីទាំងពីរមានទីលំនៅភូមិ-ឃុំ ជាមួយគ្នា ក្នុងភូមិចង្ហប ឃុំក្បាលដំរី ស្រុកសំបូរ។
សមត្ថកិច្ចមិនបានបញ្ជាក់ថា ជនសង្ស័យដែលជាកូនបំណុលជំពាក់ប្រាក់ប៉ុន្មាននោះឡើយ តែសមត្ថកិច្ចបានចាប់ខ្លួនជនសង្ស័យ និងឃាតករ ដើម្បីសាកសួរហើយកសាងសំណូមរឿងបញ្ជូនទៅតុលាការចាត់ការតាផ្លូវច្បាប់៕
ខឹងម្ចាស់បំណុលទារលុយញឹកញាប់ពេកជួលឃាតករសម្លាប់
0 Comments