ស្វាយរៀង ៖ លោកឧត្ដមសេនីយ៍ត្រី កឹង ឃន ស្នងការនគរបាលខេត្តស្វាយរៀង លោក យូ ប៊ុននី អភិបាលក្រុងស្វាយរៀង នៅព្រឹកថ្ងៃទី១១ ខែវិច្ឆិកា ឆ្នាំ២០១៥ បានអញ្ជើញជាអធិបតីក្នុងពិធីប្រកាសផ្ទេរភារកិច្ចតែងតាំងមុខតំណែងមន្ត្រីនគរបាលជាតិ នៃអធិការដ្ឋាននគរបាលក្រុងស្វាយរៀងតាមប្រកាសលេខ ៩៧៦៦ ប្រ.ក របស់ក្រសួងមហាផ្ទៃ ចុះថ្ងៃទី៦ ខែវិច្ឆិកា ឆ្នាំ២០១៥ ស្ដីពីការផ្ទេរភារកិច្ច និងតែងតាំងមុខតំណែងមន្ត្រីនគរបាលជាតិ ដែលត្រូវបានផ្ទេរភារកិច្ចតែងតាំងមុខតំណែងមន្ត្រីនគរបាលជាតិ នៃស្នងការដ្ឋាននគរបាលខេត្តស្វាយរៀង គឺ ទី១-លោកវរសេនីយ៍ទោ ងិន សុផល អត្តលេខ០៣៧៧៣ ពីអធិការ នៃអធិការដ្ឋាននគរបាលក្រុងស្វាយរៀង ជានាយការិយាល័យគ្រប់គ្រងអាវុធជាតិផ្ទុះ និងជាតិពុល។
ទី២-លោកវរសេនីយ៍ត្រី ប្រាក់ ជុត អត្តលេខ២៨៦១៤ ពីនាយរងការិយាល័យនគរបាលព្រហ្មទណ្ឌកម្រិតស្រាល ជាអធិការ នៃអធិការដ្ឋាននគរបាលក្រុងស្វាយរៀង។ ទី៣-លោកស្រីអនុសេនីយ៍ឯក សុខ វណ្ណា អត្តលេខ២៨៦៥៣ ជាអធិការរង នៃអធិការនគរបាលក្រុងស្វាយរៀង៕
ប្រកាសផ្ទេរភារកិច្ចតែងតាំងមុខតំណែងមន្ត្រីនគរបាលជាតិ នៃអធិការដ្ឋាននគរបាលក្រុងស្វាយរៀង
0 Comments