សៀមរាប ៖ ចាស់ទុំចំណាំធ្វើទទួលបានផ្លូវក្រាលក្រួសក្រហមប្រវែង១៦០០ម៉ែត្រពីអាជ្ញាធរជាតិអប្សរាខេត្តសៀមរាប ដោយមើលឃើញពីការលំបាក ក្នុងការធ្វើដំណើររបស់អ្នកភូមិលាងដៃឃុំលាងដៃស្រុកអង្គរធំខេត្តសៀមរាបអាជ្ញាធរអប្សរា បានកសាងផ្លូវក្រាលក្រួសក្រហមមួយខ្សែដែលមានប្រវែង១៦០០ម៉ែត្រទទឹង៥ម៉ែត្រពីលើដានផ្លូវចាស់ ដែលជាផ្លូវរទេះនិងធ្វើលូថ្មី២កន្លែងរួមទាំងជួលជុលលូចាស់មួយកន្លែងផងពីភូមិលាងដៃ មកទល់និងផ្លូវវង់ធំត្រង់ចំណុចខាងកើតប្រាសាទព្រះខ័នជូនដល់ប្រជាពលរដ្ឋនៅមូលដ្ឋាននេះ ជាប្រយោជន៍ដល់ពួកគាត់ងាយស្រួលក្នុងការធ្វើដំណើរ ជាពិសេសជួយសម្រួលដល់ប្រជាពលរដ្ឋ ជាងមួយពាន់គ្រួសារ ស្ថិតនៅក្នុងភូមិទាំងប្រាំ គឺភូមិលាងដៃ ភូមិដូនឪ ភូមិតាប្រុក ភូមិសំរោងនិងភូមិភ្លង់ ក្នុងការធ្វើដំណើរឆ្លងកាត់។នៅចុងសប្តាហ៍នេះដោយបានការឯកភាពពអាជ្ញាធរដែនដីនិងអាជ្ញាធរជាតិអប្សរាអ្នកភូមិបាននាំប្រារព្ធពិធីក្រុងពាលី បួងសួងសុំសេចក្តីសុខចំរើនពីអ្នកតាម្ចាស់ទឹកម្ចាស់តាមបែបទំនៀមទម្លាប់ប្រពៃណីធ្វើពិធីសម្ពោធដើម្បីសុវត្ថិភាពសេចក្តីសុខក្សេមក្សានរបស់កូនចៅក្នុងការធ្វើដំណើរឆ្លងកាត់ផ្លូវនេះ។ចាស់ព្រឹទ្ឋាចារ្យនិងប្រជាពលរដ្ឋក្នុងភូមិបានសម្តែងក្តីត្រេកអរផងនិងសម្តែងក្តីបារម្ភផងខ្លាចបាត់បង់ជំនឿទំនៀមទម្លាប់ប្រពៃណីនៅទីនេះដែលមុនឬក្រោយសាងសង់អ្វីៗជាសម្បត្តិសាធារណៈឬគ្រួសារក្តីគេតែងតែធ្វើពិធីក្រុងពាលីបួងសួងដើម្បីសុំសេចក្តីសុខពីអរុក្ខអារក្សអ្នកថែរក្សាភូមិករម្ចាស់ស្រុកនិងដើម្បីឱ្យក្មេងៗជំនាន់ក្រោយៗបានឃើញ និងបានយល់ដឹងពីប្រពៃណីទំនៀបទំលាប់របស់ជីដូនជីតាខ្មែរយើង ដែលមានតាំងពីយូរលង់ណាស់មកហើយ។
តាមប្រសាសន៍លោកហម ហនសមាជិកក្រុមប្រឹក្សាឃុំលាងដៃបានប្រាប់ថា ផ្លូវថ្មីនេះកាលពីមុនជាផ្លូវរទេះចាស់ ដែលអ្នកស្រុកហៅថា ថ្នល់ដាច់។ រាល់ខែភ្លៀងធ្លាក់ម្ដងៗ គឺពិបាកធ្វើដំណើរជាខ្លាំង ទាំងអ្នកជិះម៉ូតូ ជិះកង់ និងដើរក្ដីពិសេសអ្នកទៅលក់ដូរនៅតាមប្រាសាទតែម្ដង។ ដោយឃើញពីភាពលំបាកទាំងនេះ ក្រុមប្រឹក្សាឃុំ និងប្រជាជនក៏បានដាក់សំណើតាមរយៈក្រុមការងារសហគមន៍ របស់អាជ្ញាធរជាតិអប្សរាប្រចាំស្រុកអង្គរធំ ដើម្បីពិនិត្យលទ្ធភាពជួសជុលផ្លូវនេះសារជាថ្មី។
។ មិនតែប៉ុណ្ណោះ លោកក៏បានប្តេជ្ញាចូលរួម ក្នុងការអប់រំប្រជាពលរដ្ឋឱ្យចេះស្រឡាញ់ និងថែរក្សាផ្លូវថ្នល់ ឱ្យបានគង់វង្សយូរអង្វែង ព្រោះនេះជាផ្លូវរបស់យើងទាំងអស់គ្នា។
ចំណែកបងស្រី យី សាលីន ជាកសិករនៅភូមិលាងដៃ ដែលតែងតែធ្វើដំណើរឆ្លងកាត់តាមផ្លូវនេះជាប្រចាំ បានសម្ដែងនូវសេចក្ដីរីករាយ និងអំណរសាទរអរគុណជាខ្លាំងចំពោះអាជ្ញាធរជាតិដែលបានស្ថាបនាផ្លូវនេះឡើង សម្រាប់អ្នកឃុំលាងដៃងាយធ្វើដំណើរទៅមណ្ឌលសុខភាពយប់ព្រលប់ឬ ចង់ទៅទិញម្ហូប ឬយកអីវ៉ាន់ទៅលក់ដូរនៅផ្សារក៏លឿន ទៅប្រាសាទក៏លឿន ចង់ដើរក៏ស្រួល មិនដូចពីមុន ឱ្យតែខែភ្លៀងម្ដងៗគឺយ៉ាប់ចិត្តណាស់ ផ្លូវក្រឡិកក្រឡុក ដើរជាប់ជើង បើជិះម៉ូតូវិញ គឺជិះទៅមិនកើតទេ ទាល់តែទុកនៅជ្រុងម្ខាង ហើយដើរទៅបានរួច។ ដូចជាធ្វើប្រឡាយទឹក សាលារៀន ការដាំដើមឈើ ការលើកស្ទួយជីវភាពរស់នៅប្រជាជន និងផ្តល់ចំណេះដឹងទាក់ទងនិងបរិស្ថាន ការថែរក្សា និងអភិរក្សសម្បត្តិដូនតាក្នុងតំបន់ផងដែរ។លោក សឺង គង់ ទីប្រឹក្សា អាជ្ញាធរជាតិអប្សរាក្នុងឱកាសនាំថវិកាចំនួន៤០ម៉ឺនរៀលរបស់អាជ្ញាធរជាតិអប្សរាចូលរួមក្នុងពិធីនោះ បានសម្តែងការគាំទ្រចំពោះការយកចិត្តទុកដាក់ថែរក្សានិងអភិរក្សប្រពៃណីទំនៀមទម្លាប់របស់អ្នករស់នៅក្បែរតំបន់អង្គរនិងបានអំពាវនាវសំណូមពរឱ្យប្រជាពលរដ្ឋទាំងអស់ចូលរួមថែរក្សាផ្លូវនេះឱ្យបានគង់វង្សស្ថិតស្ថេរសម្រាប់ជាប្រយោជន៍យើងទាំងអស់គ្នា៕
ប្រជាជនក្នុងឃុំលាងដៃស្រុកអង្គរធំ ព្រួយបារម្ភខ្លាចក្មេងៗជំនាន់ក្រោយ ខ្វះការយល់ដឹង ពីប្រពៃណីទំនៀមទម្លាប់
0 Comments