ក្រុមមន្ត្រី បានអះអាងថា ក្រុមអ្នកមុជទឹកបានប្រើប្រាស់បំពង់អុកស៊ីហ្សែន ដើម្បីមុជទឹកទាញយកអ្នកដំណើរដែលជាប់នៅខាងក្នុងទូរថភ្លើង ហើយមនុស្ស៣០០នាក់ ត្រូវបានសង្គ្រោះទាន់ពេលកាលពីព្រឹក ហើយមនុស្សរាប់សិបនាក់ ត្រូវបានរួសរាន់បញ្ជូនទៅកាន់មន្ទីរពេទ្យ ទាំងស្ថានភាពធ្ងន់ធ្ងរជាទីបំផុត។
ក្រសួងអាយស្ម័យានឥណ្ឌាបានឲ្យដឹងថា ទូរថភ្លើងចំនួន១២ទូរបស់ក្រុមហ៊ុនដឹកអ្នកដំណើរ Kamayani Express បានធ្លាក់ផ្លូវនៅជិតស្រុកហាដា កាលពីល្ងាចថ្ងៃអង្គារ។ រីឯទូរថភ្លើងចំនួន៦ទូទៀតរបស់ក្រុមហ៊ុន Janata Express បានធ្លាក់ផ្លូវក្នុងអំឡុងពេលប្រហាក់ប្រហែលនេះដែរ។
លោកម៉ាណូ ស៊ីនហា គឺជារដ្ឋមន្ត្រីក្រសួងអាយស្ម័យានឥណ្ឌា បាននិយាយថា លុយចំនួន៣១០០ដុល្លារអាមេរិក ខាងក្រសួងនឹងសងជំងឺចិត្តដល់គ្រួសារអ្នកដែលស្លាប់នៅក្នុងហេតុការណ៍គ្រោះថ្នាក់មួយនេះ ៧៨០ដុល្លារសម្រាប់អ្នករងរបួសធ្ងន់ និង៤០០ដុល្លារ សម្រាប់អ្នករងរបួសស្រាល។
ទោះបីជាយ៉ាងណាក៏ដោយ គេមិនទាន់ដឹកច្បាស់នោះទេថាតើ មានអ្នកដំណើរប៉ុន្មាននាក់មាននៅក្នុងរថយន្តភ្លើងទាំង២ខ្សែនេះ ពេលឧប្បត្តិហេតុកើតឡើង ខណៈដែលការស៊ើបអង្កេតពីមូលហេតុពិតប្រាកដបណ្តាលឲ្យរថភ្លើងធ្លាក់ផ្លូវ កំពុងស្ថិតក្រោមការស៊ើបអង្កេត៕
រថភ្លើងធ្លាក់ចូលទន្លេនៅឥណ្ឌាសម្លាប់មនុស្ស២០នាក់រងរបួស១០០នាក់
0 Comments