លោក ឈឿន សារិទ្ធ មេបញ្ជាការកងពលតូចថ្មើរជើងលេខ51បានថ្លែងថា អង្គភាពកងពលតូចថ្មើរជើងលេខ៥១បានអនុវត្តម៉ឺងម៉ាត់តាមបទបញ្ជា សារាចរ សេចក្តីណែនាំរបស់ក្រសួងការពារជាតិ អគ្គបញ្ជាការកងទ័ពជើងគោកនិងយោធភូមិភាគ៥ពិសេសអនុសាសន៍សម្តេចតេជោ ហ៊ុន សែន នាយករដ្ឋមន្ត្រី រក្សាបានព្រំដែនមិត្តភាព សន្តិភាព សហប្រតិបតិ្តការនិងអភិវឌ្ឍន៍។
ក្រៅពីការងារពង្រឹងប្រៀបនៅព្រំដែន កងពលបានជំរុញការគ្រប់គ្រងពង្រឹងកម្លាំង ហ្វឹកហ្វឺនអប់រំរៀនសូត្រ ការកសាងជំរុំបន្ទាយ ធានាជីវភាពរស់នៅនិងសុខមាលភាពដល់កងទ័ព។ ជាមួយនោះក៏បានសហការជាមួយអាជ្ញាធរកម្លាំងសមត្ថកិច្ចក្នុងការការពារសន្តិសុខសណ្តាប់ធ្នាប់សង្គម។
លោក ឧត្តមសេនីយ៍ទោ ឯក សំអូន មេបញ្ជាការរងនាយសេនាធិការយោធភូមិភាគទី៥បានមានប្រសាសន៍ឯកភាពចំពោះភារកិច្ចដែលសម្រេចបានក្នុងរយៈពេលកន្លងមករបស់កងពលតូចថ្មើរជើងនិងសម្រាប់ទិសដៅបន្តលោកសូមឲ្យអនុវត្តតាមអនុសាសន៍សម្តេចតេជោដែលបានដាក់អោយកងកម្លាំងអនុវត្តកាលពីថ្ងៃទី២៣កន្លងទៅនេះ។ ហើយត្រូវបន្តសហការទំនាក់ទំនងដោះស្រាយដោយសន្តិវិធីតាមបន្ទាត់ព្រំដែននិងចូលរួមរក្សាសន្តិសុខសណ្តាប់ធ្នាប់សង្គម៕
កងពលតូចថ្មើរជើងលេខ៥១ប្រជុំបូកសរុបលទ្ធផលការងារយោធាសន្តិសុខឆមាសទីមួយ
0 Comments