អ្នកម្ដាយ​នៅ​ទូទាំង​ពិភពលោក​បង្ហាញ​ឲ្យ​ឃើញ​​ពី​ការ​ប្រយុទ្ធប្រឆាំង​ទៅ​នឹង​ស្លាក​ស្នាម​សង្គម​​

ករណីនេះ កើតមានឡើង​នៅលើ​រថភ្លើង​ នៅ​តាម​ឧទ្យាន​ សូម្បី​តែ​នៅ​តាម​ហាង​កាហ្វេ ក៏​ដោយ។ នោះគឺ​នៅ​ជុំវិញ​ពិភព​លោក​កាល​ពីថ្ងៃសុក្រ កន្លង​ទៅនេះ ក៏ដូចជា​កាលពី​ថ្ងៃ​សៅរ៍ បន្ទាប់​មក​ទៀត​ផងដែរ ស្ដ្រី​ដល់ទៅ​រាប់​ពាន់​នាក់​បាន​មក​ជួបជុំ​គ្នា​ជាសាធារណៈ ក៏ដូច​ជា​ករណី​បែប​យ៉ាង​នេះ​បានកើត​មាន​នៅតាម​ផ្ទះ​សម្បែង​ផ្ទាល់​ខ្លួន តាម​ការិយាល័យ​ និង​បន្ទប់​​ឈប់សម្រាក​ជាដើម។ នោះជា​សកម្មភាព​ដែល​បង្ហាញ​ឲ្យឃើញ​​ពីការ​លុប​ចោល​នូ​វស្លាក​ស្នាម​​សង្គម ហើយ​បង្កើន​ការ​ប្រុងប្រយ័ត្ន​ចំពោះ​​ហេតុ​ការណ៍​ រួមទាំង​បង្ហាញ​នូវ​អត្ថ​ប្រយោជន៍​នៃ​ការ​បំបៅ​កូន​ដោយ​ទឹកដោះ​ម្ដាយ តាមរយៈ​ព្រឹត្ដិ​ការណ៍​កើត​មាន​ជារួម​ក្នុង​ពេល​តែ​មួយនេះ។

ព្រឹត្ដិការណ៍​ដែល​ស្ដែង​ឲ្យឃើញ​ពីស្ដ្រី​បំបៅ​កូន​ដោយទឹកដោះ​របស់ខ្លួន​ហៅថា ព្រឹត្ដិ​ការណ៍ The Big Latch On ជា​ប្រចាំឆ្នាំ​ ត្រូវបាន​គេ​ដឹង​ដោយ​មាន​ការ​ចូលរួម​ពីស្ដ្រី​ដល់​ទៅជិត​៣៥,០០០​នាក់ នៅក្នុង​ជាង​៣០​ប្រទេស​នា​ឆ្នាំ​នេះ។ នោះ​ហើយ​ដែល​ហៅថា សប្ដាហ៍​បំបៅ​កូន​ដោយទឹក​ដោះ​ម្ដាយ​នៃពិភព​លោក​ World Breastfeeding Week, The Big Latch On ត្រូ​វបាន​បង្កើត​ឡើង​នៅ​ក្នុង​ប្រទេសណូវែល​ហ្សេឡង់ បង្កើត​ឡើ​ងដោយ​អង្គការសប្បុរស​ Women’s Health Action នៅឆ្នាំ​២០០៥ ត្រូវបាន​រាលដាលទៅ ដល់​សហរដ្ឋ​អាមេរិក ​ដោយ​ក្រុម​គ្រួសារ​របស់​មនុស្ស​ដែល​មានបំណង​យ៉ាង​ប្រពៃ​ គឺក្រុម Small Beginings នៅឆ្នាំ​២០១០ ព្រមទាំង​បាន​រាល​ដាល​​ទូទាំង​ពិភព​លោក​ ចាប់ពី​ពេល​​នោះ​មក​ដល់ឆ្នាំ​នេះ​តែម្ដង។ នៅឆ្នាំនេះ​សប្ដាហ៍ The Big Latch On ត្រូ​វបាន​រៀបចំ​ឡើ​ងដោយ​ក្រុម​ទាំង​នោះ​នៅក្នុង​៦​ទ្វីប​រួមមាន អាមេរិក​ខាង​ត្បូង អាសីុ និង​អាហ្វ្រិក​ផង។

ពេលដែល​អ្នក​ម្ដាយ​ខ្លះ​នៅ​អាមេរិក​ខាង​ជើង​ ជ្រើស​រើស​ការបំបៅ​ដោះកូន​នេះ ដើម្បី​ចូលរួម​ព្រឹត្ដិការណ៍​​នៅតាម​មន្ទីរពេទ្យ​ដែល​ជា​មជ្ឈ​មណ្ឌល​សហគមន៍​ ក៏ដូចជា​នៅទីលាន Time Square បែរ​ជា​មាន​ក្រុម​មួយ​នៅក្នុ​ងប្រទេស​​ហ្វី លីពីន បាន​រៀបចំ​បង្កើត​ឲ្យ​មាន​ព្រឹត្ដិ​ការណ៍​នេះ នៅឯ​កន្លែង​លក់​ទំនិញ​មួយ​នៅឯ​ក្រុង metro Manila ដោយឡែក​នៅឯ​ប្រទេសចិន ក្រុម​ស្ដ្រី​បានបំបៅដោះ​កូន​នៅតាម​ផ្លូវ​ក្រោមដី។

អង្គការ​សុខភាព​ពិភពលោក WHO បាន​ធ្វើ​ការ​ចូលរួម​ជាវិភាគ​ទាន​អំពីការ​បំបៅ​ដោះ​កូន​ដោយ​ទឹកដោះ​ម្ដាយនោះ ដើម្បី​ជា​ការ​បង្កើន​​នូវ​អត្ថ​ប្រយោជន៍​នៃសុខភាព​ជា​រួមមាន​ការ​​ផ្ដល់​អាហារូបត្ថម្ភ​ ដើម្បី​ការ​ចម្រើន​លូត​លាស់​ទាំង​រូប​កាយ​ និងខួរក្បាល ជាមួយ​នឹង​ការបង្កើន​បញ្ញា​ដល់​ទារក-ទារិកា​ បង្ការ​ការពារ​បាន​ពី​ករណី​ជំងឺ​​ផ្លូវដង្ហើម​ ព្រមទាំង​ជំងឺ​តម្កាត់​​អ្វី​ផ្សេងៗ​ទៀត​​ដែល​គំរាម​​កំហែង​ដល់​អាយុ​ជីវិត​ ប្រឆាំង​នឹង​អាការៈ​ធាត់​ ក៏ដូចជា​ជំងឺ​ផ្សេងៗ​ទៀត​ផងដែរ។ បើតាម​​អនុសាសន៍​ដែល​ផ្ដល់​ឲ្យដោយ​មន្ទីរពេទ្យ​កុមារ American Academy of Pediatrics ថា ការបំបៅ​ដោះ​កូន​ដោយទឹក​ដោះ​ម្ដាយ​ គួរតែ​ត្រូវ​បាន​ធ្វើ​នៅក្នុង​រយៈ​ពេល​៦ខែ​ដំបូង​នៃ​អាយុ​របស់​ទារក-ទារិកា៕

អ្នកម្ដាយ​នៅ​ទូទាំង​ពិភពលោក​បង្ហាញ​ឲ្យ​ឃើញ​​ពី​ការ​ប្រយុទ្ធប្រឆាំង​ទៅ​នឹង​ស្លាក​ស្នាម​សង្គម​​