ភ្នំពេញ ៖ រថយន្តដឹកឥដ្ឋមួយគ្រឿងបើកលឿនចុះពីស្ពានអាកាសស្ទឹងមានជ័យ ជ្រុលទៅបុក របាំងថ្មពុះចែកទ្រូងផ្លូវបាក់អស់៤កង់ ទាំងកម្រោល កាលពីវេលាម៉ោង៦និង២០នាទីព្រលប់ថ្ងៃទី១១ ខែវិច្ឆិកា តាមបណ្ដោយផ្លូវលេខ២៧១ត្រង់ចំណុចគល់ស្ពានអាកាសស្ទឹងមានជ័យ ផ្លូវលេខ២៧១ សង្កាត់ទំនប់ទឹក ខណ្ឌចំការមន។
សាក្សីបានឲ្យដឹងថា មុនពេលកើតហេតុ គេឃើញមានរថយន្តមួយគ្រឿងម៉ាកហ៊ីយ៉ាន់ដាយពណ៌សពាក់ស្លាកលេខក៤៤៧០ភព៣មានដឹកឥដ្ឋ១ម៉ឺនដុំ បើកពីជើងទៅត្បូងចុះពីស្ពានអាកាសស្ទឹងមានជ័យ ក្នុងល្បឿនលឿន លុះពេលចុះចំណត ដោយសាររថយន្តបើកលឿនពេក ជាន់ហ្វ្រាំងអត់ស៊ី បានរេចង្កូតទៅបុករបាំងថ្មពុះចែកផ្លូវបាក់អស់៤កង់ កល់ជាប់ក្រោមរថយន្តទៅមុខលែងរួច រថយន្តខូចផ្នែកខាងមុខ។ ប៉ុន្តែគ្រោះថ្នាក់នោះមិនបណ្ដាលឲ្យនរណាម្នាក់រងគ្រោះថ្នាក់ទេ។
ក្រោយពេលកើតហេតុសមត្ថកិច្ច បានមកដល់ភ្លាមៗដែរ ប៉ុន្តែអ្នកបើករថយន្ត បានគេចខ្លួនបាត់ស្រមោលទុករថយន្តនៅកណ្ដាលថ្នល់ ធ្វើឲ្យកកស្ទះចរាចរណ៍ ទម្រាំសមត្ថកិច្ចយកទៅរក្សាទុកនៅនគរបាលចរាចរណ៍រាជធានីភ្នំពេញ៕
រថយន្តដឹកឥដ្ឋ បើកលឿនចុះពីស្ពានអាកាសស្ទឹងមានជ័យ បុក របាំងថ្មពុះចែកទ្រូងផ្លូវបាក់៤កង់
0 Comments