ស្ទឹងត្រែង ៖ មន្ត្រីយោធាម្នាក់ជិះម៉ូតូទៅផ្ទះមិត្តភក្តិត្រូវបានរថយន្តមិនស្គាល់អត្តសញ្ញាណបុកពីក្រោយស្លាប់កាលពីវេលាម៉ោង ៧និង១៥នាទី នៅលើកំណាត់ផ្លូវជាតិលេខ៩ស្ថិតក្នុងភូមិរាជានុកូល សង្កាត់ក្រុងស្ទឹងត្រែង។
ស្ត្រីម្នាក់ត្រូវបងប្អូនជនរងគ្រោះបានឲ្យដឹងថា ជនរងគ្រោះដែលត្រូវរថយន្តបុកស្លាប់នោះមានឈ្មោះឡាំង ជែង ភេទប្រុស អាយុ៤៧ឆ្នាំ ជាមន្ត្រីយោធាកងវិស្វកម្មខេត្ត និងមានទីលំនៅក្នុងភូមិបានម៉ៃ ឃុំកំភុន ស្រុកសេសាន ខេត្តស្ទឹងត្រែង។
ប្រភពសាក្សីនៅកន្លែងកើតហេតុបាននិយាយថា នៅមុនពេលកើតហេតុគេបានឃើញរថយន្តយីឌុបមួយគ្រឿងបើកបរក្នុងទិសដៅ ស្របជាមួយម៉ូតូពីកើតទៅលិច ក្រោយពីរថយន្តទៅបាត់ ទើបគេប្រទះឃើញជនរងគ្រោះ បានដេកស្លាប់ ចំណែកម៉ូតូក៏ត្រូវបានខូចខាតស្ទើរតែទាំងស្រុងផងដែរ។
ប្រភពបានបន្តថា ជនរងគ្រោះជិះម៉ូតូម៉ាកសេ 125ពណ៌ខ្នៅ ស៊េរី០៩ ក្រោយមានគ្រោះរថយន្តបង្កបានរត់គេចបាត់ស្រមោល ជនរងគ្រោះត្រូវបានគេឃើញមានស្នាមកិនមួកសុវត្ថិភាពបែកខ្ទេច ក្បាលកិនបែកមួយចំហៀងបណ្តាលឲ្យស្លាប់នៅនឹងកន្លែងតែម្តង។
ពេលនេះជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ ចំណែករថយន្តបង្កសមត្ថកិច្ចកំពុងស្រាវជ្រាវតាមរកដើម្បីចាត់វិធានការតាមផ្លូវច្បាប់៕
មន្ត្រីយោធាម្នាក់ត្រូវរថយន្តបុកស្លាប់យ៉ាងអាណោចអាធ័ម
0 Comments