ពោធិ៍សាត់ ៖ ហត្ថាកសិករលីមីធីតបានពង្រឹងនិងពង្រីកខ្លួនដើម្បីឆ្លើយតបតំរូវការចាំបាច់ផ្តល់ភាពងាយស្រួលជូនអតិថិជនឲ្យមានវិសាលភាពកាន់តែធំទូលាយក្នុងការបម្រើសេវាកម្មហិរញ្ញវត្ថុ។
ឆ្លើយតបនិងសេវាកម្មខាងលើឲ្យមានភាពជឿជាក់ ហត្ថាកសិករបានពង្រឹងនិងពង្រីកបណ្តាញប្រតិបត្តិការរបស់ខ្លួនគ្របដណ្តប់នៅទូទាំង២៥ រាជធានីខេត្តក្រុងហើយនាពេលបច្ចុប្បន្ននេះ។ កាលពីព្រឹកថ្ងៃទី៥ ខែវិច្ឆិកា ឆ្នាំ២០១៥នេះលោកឧកញ៉ាហួត អៀងតុង ប្រធានអគ្គនាយកហត្ថាកសិករលីមីតធីត បានបើកសម្ពោធកាត់ខ្សែបូដាក់ឲ្យប្រើប្រាស់អគារសិក្សាថ្មីមួយកន្លែងដែលស្ថិតក្នុងភូមិពាលញែកពីរ សង្កាត់ផ្ទះព្រៃ ក្រុងពោធិ៍សាត់នៃសាលាបឋមសិក្សាពោធិ៍សាត់មួយខ្នងដែលមានចំនួន៦បន្ទប់និងបន្ទប់ទឹកចំនួនបីទៀត ដែលត្រូវចំណាយទឹកប្រាក់ចំនួន ៥០០.០០ដុល្លាអាមេរិក។ ដែលពិធីនេះមានការចូលរួមវត្តមានរបស់លោករដ្ឋមន្ត្រី ស៊ុយ សែម ក្រសួងរ៉ែនិងថាមពល លោក ខូយ សុខា ប្រធានក្រុមព្រឹក្សាខេត្តនិងលោក ម៉ករ៉ា អភិបាលរងខេត្ត និងមន្ត្រីមន្ទីរអប់រំមេបញ្ជាការកម្លាំងប្រដាប់អាវុធទាំងបីនិងលោកគ្រូអ្នកគ្រូសិស្សានុសិស្សនៃសាលាបឋមសិក្សាពោធិ៍សាត់ព្រមទាំងអាណាព្យាបាលរបស់សិស្សជាច្រើនកុះករផងដែរ។
បន្ទាប់ពីលោកនាយកសាលាបឋមសិក្សាពោធិ៍សាត់ឡើងអានរបាយការណ៍ជូនគណៈធិបតីពីសមិទ្ធផលនានានិងការខិតខំប្រឹងប្រែងរបស់លោកគ្រូអ្នកគ្រូនាយកនាយរងរបស់សាលានេះនិងថ្លែងអំណរគុណ ដល់ហត្ថាកសិករលីមីធីតដែលតែងតែបន្តជួយឧបត្ថម្ភសព្វបែបយ៉ាងជាបន្តបន្ទាប់កន្លងរួចមកក៏បានជូនពរឲ្យបានជោគជ័យបន្ថែមទៀតដល់លោក ឧកញ៉ា ហួយ អៀងតុង អគ្គនាយកហត្ថាកសិករនិងបុគ្គលិកទាំងអស់។
លោកឧកញ៉ា ហួត អៀងតុង ប្រធានអគ្គនាយកហត្ថាកសិករ លីមីធីត បានថ្លែងក្នុងពិធីនោះថា ដោយសារមានការគាំទ្រយ៉ាងខ្លាំងពីសំណាក់អតិថិជន ជាច្រើនឆ្នាំកន្លងមកនេះក្នុងការអភិវឌ្ឍន៍ខ្លួនដើម្បីបង្កើតនូវកិត្តិនាមដ៏ល្អដែលធ្វើអោយហត្ថាកសិករមាននិរន្តរភាពក្នុងការផ្តល់សេវាកម្មហិរញ្ញវត្ថុដល់ប្រជាពលរដ្ឋទូទៅក្នុងនៅ ប្រទេសហើយនិងបន្តទៅក្រៅប្រទេសមួយចំនួនផងដែរ។
លោកឧកញ៉ាលើកឡើងទៀតថា អតិថិជនរបស់ហត្ថាកសិករភាគច្រើនជាស្ត្រីគឺជាកសិករ ពាណិជ្ជករ និងជាសហគ្រិនដ៏មានទំនុកចិត្ត និងឆ្លាតវៃដែល តាមរយៈលើមុខរបរនិងអាជីវកម្មរបស់ពួកគាត់បានជួយបង្កើនការងារថ្មីៗជាច្រើនសម្រាប់អ្នកដែលកំពង់ស្វែងរកការងារធ្វើដែលជាការជួយរួមចំណែកក្នុងការកាត់បន្ថយការធ្វើចំណាកស្រុកដ៏ប្រថុយប្រថានរបស់ប្រជាពលរដ្ឋ។
សម្ព័ន្ធភាពរវាងហត្ថាកសិករលីមីធីតនិងអតិថិជនជាមួយនឹងការជួយគាំទ្រពីសំណាក់អាជ្ញាធរពាក់ព័ន្ធគឺជាកាតាលីករក្នុងការជួយអភិវឌ្ឍន៍សង្គមនិងជាមធ្យោបាយ ដ៏មុតស្រួច ក្នុងការចូលរួមចំណែកអភិវឌ្ឍសេដ្ឋកិច្ចប្រទេស។
លោក ឧកញ៉ា ហួត អៀងតុង ប្រធានអគ្គនាយក ហត្ថាកសិករ លីមីធីត បានបញ្ជាក់ថា មកដល់ពេលនេះហត្ថាកសិករមានបណ្តាញប្រតិបត្តិការ ចំនួន១៥១ការិយាល័យ នៅទូទាំង២៥រាជធានីខេត្តក្រុង មានសមតុល្យឥណទានជាង៣៣៦លានដុល្លារសហរដ្ឋអាមេរិកនៅក្នុងដៃអតិថិជនចំនួនជិត១១០ពាន់នាក់និងមានអតិថិជនជិត២២០ពាន់នាក់បាននឹងកំពុងដាក់ប្រាក់បញ្ញើសន្សំ ជាមួយហត្ថាកសិករដែលមានទឹកប្រាក់បញ្ញើសរុបជាង២៣១លានដុល្លារ និងមានទ្រព្យសកម្មសរុបចំនួន៤៣០លានដុល្លា។
លោកបញ្ជាក់បន្ថែមថា ក្រៅពីសេវាឥណទាននិងបញ្ញើសន្សំហត្ថាកសិករ ក៏មានបម្រើសេវាកម្មផ្ទេរប្រាក់ក្នុងស្រុកក្នុងនេះរួមមានសេវាបើកប្រាក់បៀវត្យរ៏ អេធីអឹម សេវាកម្មធនាគារចល័តតាមរយៈទូរស័ព្ទដៃ។
លោកឧកញ៉ា និងជាអគ្គនាយក ហត្ថាកសិករបានពន្យល់បន្ថែមថា ជាមួយនឹងអេធីអឹមនិងសេវាកម្មធនាគារចល័តនេះធ្វើឲ្យហត្ថាកសិករអាចបំរើអតិថិជនក្នុងការដកប្រាក់ ដាក់ប្រាក់ទូទាត់វិក័យបត្រ ទិញកាតទូរស័ព្ទ ពិនិត្យមើលពីភាពសមតុល្យគណនីនិងផ្ទេរប្រាក់បាន២៤ ម៉ោងលើ២៤ម៉ោងបាន។
តាមរយៈម៉ាស៊ីនអេធីអឹម ឬ ទូរស័ព្ទដៃរបស់ខ្លួន។ សេវាកម្មធនាគារចល័តអតិថិជនអាចធ្វើប្រតិបត្តិការធនាគាររបស់ខ្លួនបានគ្រប់ពេលវេលានិងគ្រប់ទីកន្លែងដោយអតិថិជនគ្រាន់តែមានទូរស័ព្ទដៃប្រភេទSmart phone ក៏បាន ឬ ទូរស័ព្ទធម្មតាក៏បាន។ ដោយសេវាកម្មធនាគារចល័តរបស់ហត្ថាកសិករបំពាក់ដោយបច្ចេកវិទ្យាទំនើបជាងគេ ងាយស្រួលប្រើប្រាស់ជាងគេនិងមានសុវត្ថិភាពខ្ពស់គួរជាទីទុកចិត្តផងដែរ៕
ហត្ថាកសិករលីមីធីតបានពង្រីកខ្លួន គ្របដណ្តប់លើ២៥រាជធានី ខេត្តក្រុងក្នុងការបម្រើជូនអតិថិជន
0 Comments