ភ្នំពេញ ៖ ជិត២ឆ្នាំហើយ ដែលចន ច័ន្ទលក្ខិណា លែងលះស្វាមីលោកយុត្ថារ៉ាឆានី ពេលនេះពួកគេក៏មានថ្មីរៀងៗខ្លួនដែរ ដោយចន ច័ន្ទលក្ខិណា កំពុងផ្អែមល្ហែមជាមួយពោះម៉ាយ កូនមួយលោកហេង ឡុង។ ចំណែកយុត្ថារ៉ាឆានី ក៏មានស្នេហ៍ថ្មីជាមួយនារីវ័យក្មេង។ ទន្ទឹមនឹងនោះ លោកឆានី ក៏លេចឮដែរថា មានប្រុសម្នាក់តាមស្រឡាញ់ផងដែរ។
ពេលនេះលោកឆានី មានលេចឮដំណឹងថា រកបានស្រីស្នេហ៍ថ្មីស្អំបេះដូងមានអាយុ១៩ឆ្នាំ នៅសង្កាត់ភ្នំពេញថ្មី ដោយបានជិះឡានសប្បាយជាមួយគ្នារៀងរាល់រាត្រី។ តែក៏មានព័ត៌មានមួយទៀតថា លោកឆានី បែរជាមានប្រុសម្នាក់ទៀតតាមស្រឡាញ់ទៅវិញ។ ប្រភពដែលសុំមិនបញ្ចេញឈ្មោះនៅហាងបៀរហ្គាឌិន ពិភពរាត្រី ខ្សឹបប្រាប់ថា លោកឆានី ឥឡូវនេះវីវរហើយ មាន ប្រុសម្នាក់តាមស្រឡាញ់ទៅណាមួយជំហានក៏ប្រុសនោះតាមស្អិតដែរ។ ដោយឡែកការលេចឮថា លោកឆានីកំពុងមានប្រុសតាមស្រឡាញ់នេះ ស្របពេលដែលចន ច័ន្ទលក្ខិណា កំពុងមានស្នេហ៍ថ្មីជាមួយអ្នកមានទ្រព្យលោក ហេង ឡុង ដោយត្រៀមរៀបការក្នុងពេលឆាប់ៗនេះដែរ។ ទោះយ៉ាងណាលោកយុត្ថារ៉ាឆានី អាចទ្រាំបាន ព្រោះលោកត្រូវបានអតីតប្រពន្ធចាត់ទុកជាបងប្រុសទៅហើយ។
គួររំលឹកថា ក្រុមមហាជន និងសិល្បករបានចាប់អារម្មណ៍ជាខ្លាំង នៅពេលអតីតប្តីប្រពន្ធ ធ្លាប់ល្បីល្បាញមួយគូនេះបានចែកផ្លូវគ្នា ហើយពួកគេមានវាសនាផ្ទុយគ្នា។ ពេលនេះចន ច័ន្ទ លក្ខិណា គ្រោងសម្ពោធវិឡារតម្លៃកន្លះលានដុល្លារ ជាកាដូគូស្នេហ៍លោកហេង ឡុង ហើយអ្នកនាងត្រៀមខ្លួនធ្វើជាប្រធានអង្គការ”សហគមន៍យើង” ទៀតផង បន្ថែមលើខ្សែ.កពេជ្រតម្លៃរាប់សែនដុល្លារ ដែលចងដៃថ្ងៃខួបកំណើតចន ច័ន្ទលក្ខិណាកន្លងមក។ ចំណែកលោកយុត្ថារ៉ា ឆានី វិញ បែរជាជំពប់ស្នេហ៍ដ៏រំភើប មានប្រុសតោងទៅវិញ។ លោកយុត្ថារ៉ា ឆានី មិនអាចសុំបំភ្លឺបានទេ ព្រោះទូរស័ព្ទ មិនអាចទាក់ទងបាន។ តាមការលេចឮឲ្យដឹងថា ទោះយ៉ាងណា ក្រៅពីលោកឆានី ក៏នៅមានតារាប្រុសជាច្រើនទៀតដែលធ្លាប់ល្បីថាមានស្នេហាភេទដូចគ្នាដូចជាលោកនីកូ អៀង វិច្ឆ័យ ណុប ប៉ាយ៉ារិទ្ធនៅ ស៊ីនឿន សាន វិសាល ហ្សូណូ ករុណាពេជ្រ សុគន្ធ ថេរៈយុ មង្គល ទីណាជាដើម។ តែពួកគេបែរជាប្រកែក ខណៈដែលលោកយ៉ែម សំអូនត្រូវបានភរិយានាងយ៉ាង លីនដា ចោទប្រកាន់ថាមានស្នេហាដូចគ្នាដែរនោះ។ តែទស្សនិកជនជឿជាក់ថា លោកឆានីមិនលេងល្បែងស្នេហាភេទដូចគ្នាទេ ហើយលោកនឹងរៀបការជាមួយនារីជាកំពូលស្នេហ៍ក្នុងពេលឆាប់ៗនេះកុំឲ្យចាញ់ប្រពន្ធដើមនាងចន ច័ន្ទលក្ខិណា តែលោកឆានីប្រហែលជាពិបាកនឹងប្រជែងទ្រព្យ សម្បត្តិជាមួយអតីតប្រពន្ធ ព្រោះប្តីក្រោយរបស់ចន ច័ន្ទលក្ខិណា មានទ្រព្យសម្បត្តិស្តុកស្តម្ភ ជាង៕
ចន ច័ន្ទលក្ខិណា លេចឮអតីតស្វាមីស្នេហ៍ប្រុសដូចគ្នា
0 Comments