កំពង់ឆ្នាំង ៖ ប្រជាពលរដ្ឋទៅដងទឹកមានការភ្ញាក់ផ្អើលបានកើតឡើងនៅរសៀលថ្ងៃទី១០ ខែវិច្ឆិកា ឆ្នាំ២០១៥ ដោយសារតែបានប្រទះឃើញសពបុរសម្នាក់ស្លាប់អណ្ដែតទឹកក្នុងបឹង នៅក្រោយភូមិអន្លង់ត្នោត ឃុំលង្វែក ស្រុកកំពង់ត្រឡាច។
សមត្ថកិច្ចនគរបាលស្រុកកំពង់ត្រឡាចបានឲ្យដឹងថា សពបុរសរងគ្រោះមានឈ្មោះ យ៉ែម រីម អាយុ៤៥ឆ្នាំ មានទីលំនៅភូមិឃុំកើតហេតុខាងលើ។ បន្ទាប់ពីស្រង់ចេញពីទឹកមកដាក់លើគោក និងបានព័ទ្ធខ្សែការពាររួចមក សមត្ថកិច្ចជំនាញបានធ្វើកោសល្យវិច័យតាមបច្ចេកទេសលើសពបុរសរងគ្រោះ ហើយបានសន្និដ្ឋានឲ្យដឹងថា គឺគេស្លាប់ដោយសារលង់ទឹក អាចថា ខ្យល់គរដួលក្នុងទឹកបណ្ដាលឲ្យលង់ស្លាប់។
សមត្ថកិច្ចបានបន្តដោយស្រង់សម្ដីម្តាយរបស់ជនរងគ្រោះថា នៅរសៀលថ្ងៃទី០៩ ខែវិច្ឆិកាគេបានឃើញកូនគាត់ជាជនរងគ្រោះស្រវឹងស្រាយ៉ាងខ្លាំង ហើយបានដើរទៅមាត់បឹងតែគ្មានអ្នកណាចាប់អារម្មណ៍ឡើយ ប៉ុន្តែជាទម្លាប់រូបគេនោះតែងតែចុះទៅដកព្រលឹតនៅបឹងខាងលើនេះរាល់ថ្ងៃ។ ស្រាប់តែនៅរសៀលថ្ងៃទី១០ ខែវិច្ឆិកា មានប្រជាពលរដ្ឋបានប្រទះឃើញសពកូនគាត់បានអណ្ដែតក្នុងទឹកបឹងខាងលើនេះតែម្តង។
សពបុរសរូបនោះត្រូវបានសមត្ថកិច្ចប្រគល់ឲ្យក្រុមគ្រួសារទទួលយកធ្វើបុណ្យតាមប្រពៃណី នៅក្នុងលំនៅឋានជនរងគ្រោះក្នុងភូមិអន្លង់ត្នោត៕
បុរសម្នាក់បាត់ខ្លួនមួយថ្ងៃ ស្អែកឡើងគេឃើញស្លាប់អណ្ដែតក្នុងបឹង
0 Comments