ការហ្វឹកហ្វឺនខួរក្បាល-េលងហ្គេមតាមអនឡាញ គឺជាការផ្ដល់នូវការចងចាំ ព្រមទាំងមានបំណិនប្រសព្វដោះស្រាយដោយការចេះពិចារណានោះហើយដែលមានផលប្រយោជន៍ចំពោះមនុស្សវ័យចំណាស់។ នេះជាការលើកយកមកសន្និដ្ឋាន តាមរយៈការសិក្សាស្រាវជ្រាវក្នុងមាត្រដ្ឋានទូលំទូលាយមួយ។
ក្រុមអ្នកសិក្សាស្រាវជ្រាវនៅឯសាកលវិទ្យាល័យ King’s College London បានរកឃើញពីលំហាត់ដល់ខួរក្បាល ធ្វើឲ្យខួរក្បាលនៅតែមានសមត្ថភាពដ៏ឈ្លាសវៃ ជួយដល់មនុស្សផងទាំងឡាយជាមួយភាពបំណិនប្រសប់ ជារៀងរាល់ថ្ងៃ ក្នុងនោះដូចជាការដើរទិញទំនិញ និងដាំស្លជាដើម។
មានមនុស្សដល់ទៅប្រមាណ ៧,០០០នាក់ ដែលមានអាយុ ៥០ឆ្នាំ ឬក៏លើសពីនេះបានយល់ព្រមចូលរួមការពិសោធស្រាវជ្រាវមួយដែលមានរយៈពេល៦ខែ។
ដោយឡែកការសិក្សាស្រាវជ្រាវរយៈពេលវែងពីនេះ បច្ចុប្បន្នកំពុងតែចាប់ផ្ដើមឡើងហើយ។
ក្រុមអ្នកស្ម័គ្រចិត្ដត្រូវបានជ្រើសរើសចេញពីមនុស្សជាទូទៅ ដោយភាគីជាដៃគូរវាង BBC និងសមាគមនៃជំងឺ Alzheimer ព្រមទាំងក្រុមប្រឹក្សាសិក្សាស្រាវជ្រាវផ្នែកវេជ្ជសាស្ដ្រ។
ក្រុមអ្នកស៊ើបអង្កេតស្រាវជ្រាវនៅក្នុងការសិក្សានេះកំណត់ថា មិនមានអ្នកចូលរួមណាម្នាក់មានបញ្ហានឹងការចងចាំនោះទេ ឬក៏មានបញ្ហាប៉ះពាល់នឹងការយល់ដឹងនោះឡើយពេលដែលពួកគេមកចូលរួមដោយស្ម័គ្រចិត្ដនៅក្នុងការពិសោធស្រាវជ្រាវនោះ។
ក្រុមអ្នកសិក្សាស្រាវជ្រាវបានរកឃើញថា បន្ទាប់ពី៦ខែមក អ្នកទាំងឡាយណាដែលលេងហ្គេមប្រភេទហ្វឹកហ្វឺនដល់ខួរក្បាលសម្រាប់ហ្គេមគិតពិចារណា និងការដោះស្រាយបញ្ហាឲ្យបានឆាប់លឿននោះ ពិតជាទទួលបានបំណិនប្រសប់លើសពីអ្នកដែលមិនបានលេងហ្គេមប្រភេទនេះយ៉ាងប្រាកដ។
ផលប្រយោជន៍ដែលគេទទួលបាននោះគឺនៅពេលដែលមនុស្សទាំងឡាយនោះលេងហ្គេមយ៉ាងតិច៥លើកក្នុងមួយសប្ដាហ៍ ហើយមនុស្សចាស់ដែលមានអាយុលើសពី៦០ឆ្នាំ ដែលលេងហ្គេមប្រភេទដូចគ្នានេះដែរនោះ បាន រាយការណ៍ថា ទទួលបានពិន្ទុល្អជារៀងរាល់
លើក ដែលដោះស្រាយបញ្ហាបែបប្រស្នានៃហ្គេមដែលគេលេងជារៀងរាល់ថ្ងៃនោះ៕
BBC News
ការហ្វឹកហ្វឺនខួរក្បាលតាមអនឡាញ ជួយដល់មនុស្សចាស់
0 Comments