កណ្តាល ៖ លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល បានឲ្យដឹងនៅម៉ោង៥ល្ងាច ថ្ងៃទី១២ ខែវិច្ឆិកា ឆ្នាំ២០១៥ថា ក្រុមចោរលួចរថយន្តដ៏សកម្មនៅរាជធានីភ្នំពេញនិងខេត្តកណ្តាលបំបែកបានហើយប្រើរយៈពេល៣យប់៤ថ្ងៃ ដោយកិច្ចសហប្រតិបត្តិការ របស់សមត្ថកិច្ចនគរបាលខេត្តកណ្តាល តាកែវ ក្រចេះនិងរាជធានីភ្នំពេញ និងដោយបានការសម្របសម្រួលនីតិវិធី ពីព្រះរាអាជ្ញាសាលាដំបូងខេត្តកណ្តាល តាកែវ ក្រចេះ។
ជនសង្ស័យចំនួន៦នាក់ត្រូវបានឃាត់ខ្លួនជាបន្តបន្ទាប់ ហើយនិងរកឃើញរថយន្តដែលជនសង្ស័យទាំងនោះលួចយកបានចំនួន៦គ្រឿង។
លោកឧត្តមសេនីយ៍ស្នងការបានបញ្ជាក់ថា ជនសង្ស័យនិងវត្ថុតាងសមត្ថកិច្ចនគរបាលខេត្តកណ្តាលកំពុងនាំពីខេត្តក្រចេះ មកកាន់ស្នងការដ្ឋាននគរបាលខេត្តកណ្តាលប្រហែលជាយប់ទើបមកដល់។
លោកស្នងការបានរៀបរាប់អំពីសកម្មភាពលួចរបស់ជនល្មើស និង កិច្ចសហប្រតិបត្តិការស្រាវជ្រាវបង្ក្រាបរហូតទទួលបានជោគជ័យនេះឲ្យបានដឹងថា កាលពីថ្ងៃទី០៧ ខែវិច្ឆិកា ឆ្នាំ២០១៥ វេលាម៉ោង៣និង០៤នាទី នៅចំណុចផ្សារPC ខណ្ឌមានជ័យ រាជធានីភ្នំពេញ មានអំពើលួចយករថយន្ត១គ្រឿង។ ឆ្លងតាមប្រព័ន្ធGPS ដែលមានបំពាក់លើរថយន្តដែលបាត់ Camry ឆ្លាម ពណ៌ខ្មៅ ស្លាកលេខ ភ្នំពេញ2I-1813 ស៊េរីឆ្នាំ១៩៩៩ បន្ទាប់មកឃើញបាត់ដាននៅជិតហាងខារ៉ាអូខេត្រជាក់ ភូមិសង្កាត់សំណាញ់ ក្រុងតាខ្មៅ ខេត្តកណ្តាល។
ម្ចាស់រថយន្តឈ្មោះ ឃុន ម៉ាប់ ភេទប្រុស អាយុ៣៩ឆ្នាំ ទីលំនៅចំណុចកើតហេតុ មុខរបរបុគ្គលិកក្រុមហ៊ុន។
ជនល្មើស៩នាក់ឃាត់ខ្លួន៦នាក់ (ប្រុស០៤នាក់)គឺឃាត់នៅខេត្តកណ្ដាល២ នាក់ ឃាត់នៅខេត្តតាកែវ០២នាក់ ឃាត់នៅខេត្តក្រចេះ២នាក់ គេចខ្លួន៣នាក់ ជនសង្ស័យ៩នាក់នោះមាន ទី១.ឈ្មោះ មាស ចន្ថា ហៅខ្នុយ ភេទប្រុស អាយុ៣១ឆ្នាំ មានទីលំនៅអចិន្ត្រៃយ៍ ភូមិក្រាំងវិច ឃុំក្តាញ់ ស្រុកព្រៃកប្បាស ខេត្តតាកែវ មុខរបរ មិនពិតប្រាកដ (ជំនាញគាស់កំបូលម៉ាស៊ីនរថយន្តដើម្បីកាត់ខ្សែតេលេ និងគាស់ទ្វារ-រថយន្ត (ឃាត់ខ្លួន) នៅខេត្តតាកែវ។ ២.ឈ្មោះ ហឿង នី ហៅតិន ភេទប្រុស អាយុ៣២ឆ្នាំ មានទីលំនៅអចិន្ត្រៃយ៍ ភូមិតានប់ ឃុំត្នោត ស្រុកបាទី ខេត្តតាកែវ មានទីលំនៅ ភូមិសៃវ៉ា ឃុំព្រៃផ្តៅ ស្រុកព្រៃកប្បាស ខេត្តតាកែវ មុខរបរ មិនពិតប្រាកដ(ជំនាញកាច់ករថយន្ត និងកាត់ផ្តាច់GPS មេខ្លោង(គេចខ្លួន)។
៣.ឈ្មោះ សេង វណ្ណៈ ហៅឌីជេ ភេទប្រុស អាយុ២៩ឆ្នាំ មានទីលំនៅអចិន្ត្រៃយ៍ ភូមិព្រែកឡៃ ឃុំព្រែកអំបិល ស្រុកស្អាង ខេត្តកណ្តាល ជាអ្នកបើករថយន្តពីក្រោយបិទគូថ និងរកទីផ្សារ (ឃាត់ខ្លួន)នៅក្រុងតាខ្មៅ។
៤.ឈ្មោះ អ៊ុន ស៊ីឌីន ភេទប្រុស អាយុ២០ឆ្នាំ ស្នាក់នៅបច្ចុប្បន្ន ភូមិអូរឫស្សី១ ឃុំអូរឫស្សី ក្រុងក្រចេះ ខេត្តក្រចេះ ជាអ្នកទទួលទិញរថយន្តដែលលួចបាន (គេចខ្លួន)។
៥.ឈ្មោះ អ៊ុន អ៊ីយូរ៉ា ភេទប្រុស អាយុ៣០ឆ្នាំ ស្នាក់នៅបច្ចុប្បន្ន ភូមិអូរឫស្សី១ ឃុំអូរឫស្សី ក្រុងក្រចេះ ខេត្តក្រចេះ ជាអ្នកដឹងឮ និងជួយចាត់ចែងទទួលទិញរថយន្តដែលលួចបាន (ឃាត់ខ្លួន)នៅខេត្តក្រចេះ។
៦.ឈ្មោះ ភី ណាត់ ភេទប្រុស អាយុ៣៧ឆ្នាំ ស្នាក់នៅភូមិត្រពាំងទាឃុំតាំយ៉ាប ស្រុកព្រៃកប្បាស ខេត្តតាកែវ ជាអ្នកបើករថយន្តបិទគូថ(គេចខ្លួន)។
៧.ឈ្មោះ គា សុមិញ ភេទស្រី អាយុ៣១ឆ្នាំ ស្នាក់នៅផ្ទះជួល ចំណុចកើតហេតុខាងលើ ប្រពន្ធជនល្មើស ឈ្មោះ មាស ចន្ថា(ឃាត់ខ្លួន) នៅក្រុងតាខ្មៅ។
៨.ឈ្មោះ ប្រាក់ សារុន ភេទស្រី អាយុ២៩ឆ្នាំ ស្នាក់នៅ ភូមិសៃវ៉ា ឃុំក្តាញ់ ស្រុកព្រៃកប្បាស ខេត្តតាកែវ មុខរបរ លក់ដូរ ប្រពន្ធជនល្មើសឈ្មោះ ហឿង នី (ឃាត់ខ្លួន)នៅខេត្តតាកែវ។
៩.ឈ្មោះ អោក វ៉ាន់ឌី ហៅ ស្កាយ ភេទប្រុស អាយុ២៩ឆ្នាំ ទីលំនៅភូមិសង្កាត់ក្រុងក្រចេះ ខេត្តក្រចេះមុខរបរ លក់ដូរ ជាអ្នកទិញរថយន្តពីជនល្មើស ហៅ ឌីន (ឃាត់ខ្លួន) នៅខេត្តក្រចេះ។
វត្ថុតាងចាប់យករថយន្ត០៦គ្រឿង ចាប់យកនៅខេត្តក្រចេះនិងស្លាកលេខ ភ្នំពេញ 2O-3700 ១គូរ និងកំពុងតាមយក ០១គ្រឿងទៀតនៅខេត្តកំពង់ចាម។ សរុប ០៧ គ្រឿង។
លោកស្នងការបញ្ជាក់ពីរឿងហេតុឲ្យដឹងថា នៅថ្ងៃទី៧ ខែវិច្ឆិកា ឆ្នាំ២០១៥ជនរងគ្រោះបានបាត់រថយន្តរបស់ខ្លួន នៅចំណុចផ្សាPCខណ្ឌមានជ័យរាជធានីភ្នំពេញ។ រថយន្តនោះដាក់ប្រព័ន្ធតាមដានGPS បានឃើញបាត់ដាន នៅចំណុច ជិតហាងខារ៉ាអូខេត្រជាក់ចិត្តថ្មី ស្ថិតនៅក្នុង ភូមិ-សង្កាត់ កំពង់សំណាញ់ ក្រុងតាខ្មៅ ខេត្តកណ្តាល វេលាម៉ោង៤និង៤៨នាទី បន្ទាប់មកជនរងគ្រោះក៏បានដាក់ពាក្យបណ្តឹង នៅសង្កាត់កំពង់សំណាញ់ ដើម្បីជួយស្វែងរករថយន្តរបស់ខ្លួន។
ក្រោយពីបានទទួលពាក្យបណ្តឹងកម្លាំងជំនាញក្រុងតាខ្មៅ សហការជាមួយប៉ុស្តិ៍កំពង់សំណាញ់ បានបើកការស៊ើបអង្កេត ក្រោមការចង្អុលបង្ហាញ របស់លោក និងលោកស្នងការរងទទួលកណ្តាលព្រហ្មទណ្ឌ ដែលមានការសម្របសម្រួល ដោយលោកព្រះរាជអាជ្ញាអមសាលាដំបូងខេត្តកណ្តាល បានបញ្ជាមកអធិការដ្ឋាននគរបាលក្រុងតាខ្មៅ ឲ្យបើកការស៊ើបអង្កេត ក្នុងករណីខាងលើ ដោយមានការសហការជាមួយនឹងស្នងការដ្ឋាននគរបាល ខេត្តតាកែវ ខេត្តក្រចេះ ខេត្តកំពង់ចាម និងរាជធានីភ្នំពេញ ឈានទៅចាប់បានជនល្មើស និងរថយន្តដូចខាងលើ៕
សមត្ថកិច្ចខេត្ត រាជធានីចំនួន៤បើកប្រតិបត្តិការបំបែកសំបុកចោរលួចរថយន្តឃាត់ខ្លួនជនល្មើស៦នាក់ដកហូតបានរថយន្ត៦គ្រឿង
0 Comments