បន្ទាយមានជ័យ ៖ នៅព្រឹកថ្ងៃទី២២ ខែវិច្ឆិកា ឆ្នាំ២០១៥ ក្រោមការដឹកនាំរបស់ឯកឧត្តមបណ្ឌិតគុណ ញឹម អគ្គនាយកដ្ឋានគយ និងរដ្ឋាករកម្ពុជា លោក កើត សុទ្ធារ៉ា លោក ប៉ុល ស៊ីនួន និង លោក ពុធ សុខា ព្រមទាំងសហការីទាំងពុទ្ធបរិស័ទជិតឆ្ងាយបានឯកភាពគ្នាផ្ដើមធ្វើបុណ្យកឋិនទានសាមគ្គីមួយដើម្បីនាំបច្ច័យបានចំនួន១០៤លានរៀលដង្ហែយកទៅកសាងវត្តបរមនិវេសន៍ ក្នុងភូមិសាលាដែង ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ដែលមានការខ្វះខាត និងប្រមូលបច្ច័យទាំងអស់នេះយកទៅកសាងក្នុងវត្ត ដើម្បីលើកស្ទួយវិស័យព្រះពុទ្ធសាសនាឲ្យមានការរីកចម្រើននាបច្ចុប្បន្ននឹងទៅថ្ងៃអនាគតផងដែរ។
កម្មវិធីបុណ្យកឋិននេះបានប្រព្រឹត្តទៅនៅព្រឹកថ្ងៃទី២១ ខែវិច្ឆិកា ឆ្នាំ២០១៥។ អង្គកឋិនទាននេះដង្ហែវេរប្រគេនព្រះសង្ឃគង់ចាំព្រះវស្សាអស់ត្រីមាសក្នុងពទ្ធសីមាវត្តបរមនិវេសន៍នេះ។ ហើយអង្គកឋិនទាននេះកើតឡើងពីសទ្ធាជ្រះថ្លាពីពុទ្ធបរិស័ទជិតឆ្ងាយ ដើម្បីប្រមូលបច្ច័យយកទៅកសាងវត្ត ដើម្បីបម្រើវិស័យព្រះពុទ្ធសាសនាដែលមានការខ្វះខាតផងដែរ។
លោក កើត សុទ្ធារ៉ា បានមានប្រសាសន៍ថា ដោយមានគុណបំណាច់ដ៏ធំធេងរបស់គណបក្សប្រជាជនកម្ពុជាក្រោមការដឹកនាំរបស់សម្ដេចតេជោ ហ៊ុន សែន ប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជាបានដឹកនាំប្រទេសជាតិឆ្ពោះទៅរកសុខសន្តិភាព និងការអភិវឌ្ឍគ្រប់វិស័យទាំងវិស័យពុទ្ធចក្រ និងអាណាចក្រ។ ពិសេសធានាបាននូវស្ថិរភាពនយោបាយពន្លត់សង្គ្រាមរ៉ាំរ៉ៃបានទាំងស្រុងនៅកម្ពុជា។
នៅក្នុងពិធីអង្គកឋិនទាននេះដែរ លោក កើត សុទ្ធារ៉ា បានប្រសិទ្ធិពរជ័យដល់ពុទ្ធបរិស័ទដែលបានចូលបច្ច័យតាមសទ្ធាជ្រះថ្លាចូលរួមថវិកាក្នុងអង្គកឋិនទាននេះ ចូលរួមកសាងសមិទ្ធផលនានានៅវត្ត ដើម្បីតម្កល់មហាកុសលផលបុណ្យទៅអនាគតជាតិ ពិសេសសូមឲ្យវត្ថុសក្តិសិទ្ធក្នុងលោកតាមជួយថែរក្សាប្រមុខដឹកនាំប្រទេស និងប្រជាជនខ្មែរទូទាំងប្រទេសជួបតែសុខសន្តិភាព និងការអភិវឌ្ឍជានិរន្តតរៀងទៅ៕
អគ្គនាយកដ្ឋានគយ និងរដ្ឋាករកម្ពុជាចូលរួមដង្ហែអង្គកឋិនទាននាំបច្ច័យចំនួន១០៤លានយកទៅកសាងក្នុងវត្តបរមនិវេស៍
0 Comments