Ad Code

រន្ទះបាញ់​ស្លាប់​ស្ត្រី​ម្នាក់​នៅ​ស្រុក​វ៉ារិន ​ខណៈ​កំពុង​ដាំដំឡូង



​សៀមរាប​ ៖ ​​ ភ្លៀង​លាយ​ខ្យល់​ បាន​ឆក់​យក​ជីវិត​ស្ត្រី​ម្នាក់​ អោយ​ស្លាប់​នៅនឹង​កន្លែង​យ៉ាង​អាណោចអាធ័ម​ ដោយសារ​រន្ទះបាញ់​ ខណៈ​គាត់​កំពុង​ដាំដំឡូង។

ហេតុការណ៍​រន្ទះ​បាញ់​នេះ បាន​កើតឡើង​នៅ​វេលា​ម៉ោង​ ១៣ ​និង​ ៣០​ នាទី ថ្ងៃទី​២៩ ខែឧសភា ឆ្នាំ​២០១៨​នេះ ស្ថិតនៅ​ចំណុច​អូរ​ធំ ក្នុង​ឃុំ​វ៉ារិន ស្រុក​វ៉ារិន ខេត្តសៀមរាប។

សមត្ថកិច្ច​បាន​ឲ្យ​ដឹងថា ស្ត្រី​រងគ្រោះ​មានឈ្មោះ យ៉ា​ត សា​ឡៃ អាយុ​២៥​ឆ្នាំ មុខរបរ​កសិករ រស់នៅ​ភូមិក​ញ្ជន់​រុន ឃុំ​ប្រាសាទ ស្រុក​វ៉ារិន ខេត្តសៀមរាប។ នៅ​មុនពេល​កើតហេតុ ​ស្ត្រី​រងគ្រោះ​ បាន​ទៅ​ដាំដំឡូង​នៅ​ចំណុច​អូរ​ធំ ក្នុង​ឃុំ​វ៉ារិន លុះដល់​វេលា​ម៉ោង ​១៣​ និង​ ៣០​ នាទី ពេលនោះ​មេឃក៏​ចាប់ផ្តើម​ធ្លាក់ភ្លៀង​យ៉ាងខ្លាំង តែ​ដោយឡែក​ស្ត្រី​រងគ្រោះ​គាត់​បាន​នៅ​ដាំដំឡូងបង្ហើយ ស្រាប់តែ​ត្រូវ​រន្ទះបាញ់​បណ្តាល​ឲ្យ​ស្លាប់​ភ្លាមៗ​នៅនឹងកន្លែង​កើតហេតុ​តែម្តង​។​ សព​ស្ត្រី​រងគ្រោះ​ត្រូវបាន​សមត្ថកិច្ច​ប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី៕

Source: Kampuchea Thmey Daily

Post a Comment

0 Comments

Close Menu