អត្រា​វះកាត់​ភ្នែក​បាំង​ស្បែក ឬ​បាយ​ភ្នែក​នៅ​ចិន​បន្ត​កើនឡើង

ការវះកាត់​អាការៈ​ភ្នែក​បាំង​ស្បែក ​ឬ បាយ​ភ្នែក CRS (The Cataract Surgical Rate) ដែល​គិត​ជា​អត្រា​ភាគ​លាន​នៃ​ប្រជាជន​នោះ​នៅពេល​បច្ចុប្បន្ន​មាន​ដល់​ទៅ​២.០០០ ហើយ​ក្នុងប្រទេស​ចិន។ នេះ​បើ​យោងតាម​គណៈកម្មាធិការ​សុខាភិបាល​ថ្នាក់ជាតិ​។

ការវះកាត់​ភ្នែក​ក្នុងស្ថានភាព​បែបនេះ​មាន​៨០០​នាក់​ក្នុងចំណោម​ពលរដ្ឋ​ចិន​១​លាន​នាក់​នៅ​ឆ្នាំ​២០១០​​ ហើយ​មានតែ​៣៧០​នាក់​ក្នុង​ពលរដ្ឋ​១​លាន​នាក់​ក្នុង​ឆ្នាំ​២០០០។ នៅពេលនេះ​វិញ​ចំនួន​កាន់តែ​កើន​ខ្ពស់​ថែម​ឡើង នេះ​បើតាម​ការលើក​យកមក​និយាយ​ដោយ​លោក Jiao Yahui មន្ត្រី​មួយរូប​នៅក្នុង​គណៈកម្មាធិការ​។​

រដ្ឋាភិបាល​មានការ​ចាប់អារម្មណ៍​យ៉ាង​សម្បើម​ចំពោះ​សុខភាព​ភ្នែក​របស់​ប្រជាជន ហើយ​វា​នៅតែ ជា​ជំងឺ​ដ៏​ចម្បង​ដែល​ប៉ះពាល់​ដល់​ចក្ខុរោគ​ដែល​អាច​ឈានដល់​ពិការភ្នែក​(​ខ្វាក់​)​តែម្តង​។​



នៅ​ឆ្នាំ​២០០៩ រដ្ឋាភិបាល​បានចាប់ផ្តើម​កម្មវិធី The Regaining Eyesight Program ជូន​ចំពោះ​អ្នកជំងឺ​ភ្នែក​បាំង​ស្បែក​ឬ​បាយ​ភ្នែក​ចំនួន​១​លាន​នាក់ ជា​ជនក្រីក្រ ហើយ​បន្ត​ជួយឧបត្ថម្ភ​ជន​លើ​ការ​ចំណាយ​ក្នុង​ការ​វះកាត់​ដល់​អ្នក​ជំងឺ​ចក្ខុរោគ​នេះ​ដល់​ទៅ​ជាង​១.៧៥​លាន​នាក់​នៅ​ដំណាច់ឆ្នាំ​២០១៣​។

នៅ​ខែមីនា ប្រទេស​ចិន​បាន​ចាប់ផ្តើម​កម្មវិធី​ថ្នាក់ជាតិ​ដើម្បី​ព្យាបាល​ជំងឺ​ភ្នែក​បាំង​ស្បែក​ឬ​បាយ​ភ្នែក ជូន​ពលរដ្ឋ​ក្រីក្រ​ដោយ​បង្ក​លក្ខណៈ​វះកាត់​ភ្នែក​ឡើងបាយ​ដោយ​ឥតគិតថ្លៃ​ជូន​ដល់​ពលរដ្ឋ​ចិន​ទាំងអស់​ ដែល​មិនអាច​មានលទ្ធភាព​ព្យាបាល​រហូតដល់​ឆ្នាំ​២០២០៕
​ស៊ីន​ហួ​

Source: Kampuchea Thmey Daily