ស្ត្រីជាម្តាយរបស់ក្មេងប្រុសដែលកើតអាការៈស្កន់ឬជំងឺឆ្កួតជ្រូក (epileptic) ដែលបានធ្វើដំណើរទៅកាន់ប្រទេសកាណាដា ដើម្បីទិញថ្នាំមានសារជាតិកញ្ឆា Cannabis នោះនិយាយថា គាត់កំពុងតែរក្សាជីវិតកូនប្រុសរបស់គាត់ដែលការផ្គត់ផ្គង់ដោយថ្នាំប្រភេទនេះ រងការរឹបអូយកដោយមន្ត្រីគយអង់គ្លេសពេលដែលគាត់វិលត្រឡប់មកប្រទេសវិញកាលពីថ្ងៃចន្ទ។
ករណីបែបយ៉ាងនេះហើយបានបង្កាត់ឲ្យទៅជាមានការពិភាក្សាដេញដោលអំពីការប្រើប្រាស់កញ្ឆា Cannabis ជាថ្នាំពេទ្យសម្រាប់ព្យាបាលជាប្រភេទថ្នាំដែលចាត់ទុកថាខុសច្បាប់នៅក្នុងប្រទេសអង់គ្លេស ហើយដែលអាជ្ញាធរអង់គ្លេស មិនទទួលស្គាល់ថា វាមិនមានប្រយោជន៍អ្វីសោះចំពោះឱសថវេជ្ជសាស្ត្រនោះ។
ក្មេងប្រុស Billy Caldwell អាយុ១២ឆ្នាំធ្លាប់ត្រូវបានទទួលប្រេងកញ្ឆា Cannabis ប្រើជាឱសថអស់រយៈពេលជាងមួយឆ្នាំមកហើយ តាមរយៈវេជ្ជបញ្ជាពីវេជ្ជ បណ្ឌិត ប៉ុន្តែការផ្គត់ផ្គង់ថ្នាំប្រភេទនេះក៏អស់រលីងទៅ បន្ទាប់ពីក្រសួងមហាផ្ទៃអង់គ្លេសបានចេញបញ្ជាឲ្យវេជ្ជបណ្ឌិតបញ្ឈប់ការចេញវេជ្ជបញ្ជាបែបនេះ។
ម្តាយរបស់ក្មេងប្រុស Billy អ្នកស្រី Charlotte Caldwell និយាយថា ដោយមិនមានប្រេងកញ្ឆា Cannabis កូនរបស់គាត់ត្រូវប្រកាន់ដល់ទៅ១០០ដងក្នុងមួយថ្ងៃ ដែលរៀងរាល់ពេលរូបកាយចាប់កន្ត្រាក់ប្រកាច់នោះស្ទើរតែនឹងដាច់ដង្ហើមស្លាប់។
ទាំងម្តាយនិងកូនប្រុសដែលរស់នៅក្នុងខេត្ត Northern Ireland នៃប្រទេសអង់គ្លេសបានធ្វើដំណើរតាមយន្តហោះឆ្ពោះទៅកាន់ប្រទេសកាដាណា កាលពីថ្ងៃចុងសប្តាហ៍កន្លងទៅដើម្បីទទួលបានថ្នាំប្រភេទនេះ មួយចំនួនមកទៀត ប៉ុន្តែរងការរឹបអូសយកអស់រលីងពេលទើបមកដល់នៅឯព្រលានយន្តហោះ Heathrow Airport នៃទីក្រុងឡុងដ៍ កាលពី ព្រឹកថ្ងៃចន្ទ។
ដោយស្ថិតនៅក្រោមច្បាប់ប្រទេសអង់គ្លេស កញ្ឆា Cannabis ត្រូវបានកត់ទុកក្នុងបញ្ជីជាប្រភេទឱសថទី១ដែលមិនត្រូវបានទទួលស្គាល់ ហើយថាវាមិនមានតម្លៃអ្វីសម្រាប់ព្យាបាលជំងឺសោះឡើយ៕
រ៉យទ័រ
Source: Kampuchea Thmey Daily
0 Comments