អ្នកសិក្សាស្រាវជ្រាវនៅប្រទេសហុងគ្រី ដែលបានរកឃើញថា សុនខ ដែលមានទម្ងន់ខ្លួនធម្មតា និងសុនខធាត់វាមានឥរិយាបថផ្សេងពីគ្នានៅក្នុងការចាប់យករសជាតិចំណីអាហារ ដោយឥរិយាបថរបស់សុនខវាឆ្លើយតបដូចគ្នាទៅនឹងអ្វីជាការរំពឹងថា កើតមានចំពោះមនុស្សដែលមានទម្ងន់កាយធម្មតា និងមនុស្សដែលកើតអាការៈធាត់។
ការសិក្សាស្រាវជ្រាវបានលើកឡើងថា សុនខ អាចត្រូវបានជ្រើសយកមកធ្វើជាគំរូសម្រាប់ការសិក្សាស្រាវជ្រាវនាពេលអនាគតនៅក្នុងអ្វីដែលពាក់ព័ន្ធទៅនឹងមូលហេតុព្រមទាំងផ្លូវចិត្តរបស់មនុស្សធាត់បាន។ នេះជាការលើកឡើងពីអ្នកនិពន្ធសេចក្តីរាយការណ៍មកពីសាកលវិទ្យាល័យ ELTE នៃក្រុង Budapest ។
អ្នកសិក្សាស្រាវជ្រាវធ្វើការពិសោធន៍ដោយដាក់ចានពីរមានចានមួយដាក់ដោយអាហារដ៏ល្អឆ្ងាញ់ហើយចានមួយទៀតទទេឬមានដាក់អាហារ ដែលមិនមានការទាក់ទាញ ប៉ុន្តែសត្វឆ្កែដែលធាត់ខ្លាំងវាមិនចាប់អារម្មណ៍ដល់ចានចំណីអាហារទីពីរនោះឡើយ។
ឥរិយាបថរបស់សត្វវាស្របគ្នាទៅនឹងមនុស្សលើសទម្ងន់ (ធាត់ជ្រុល)ដែលមើលឃើញចំណីអាហារជារង្វាន់លើទឹកចិត្ត។ នេះជាការលើកយកមកនិយាយនៅក្នុងសេចក្តីរាយការណ៍ដែលត្រូវបានចុះផ្សាយនៅក្នុងព្រឹត្តិបត្រព័ត៌មាន The Royal Society Open Science Journal ៕
រ៉យទ័រ
Source: Kampuchea Thmey Daily
0 Comments