សម្រាប់ព្រឹត្តិការណ៍ប្រកួតកីឡាអាស៊ីលើកទី១៨ “18th Asian Games” ដែលប្រព្រឹត្តចាប់ពីថ្ងៃទី១៨ ដល់ថ្ងៃទី២ ខែកញ្ញា នៅទីក្រុងJakartaនិងPalembangត្រូវបានគណៈកម្មាធិការជាតិអូឡាំពិកកម្ពុជាបានបង្ហាញឲ្យដឹងពីទំហំប្រាក់រង្វាន់តាមអនុក្រឹត្យរាជរដ្ឋាភិបាលហើយ។
លោកវ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានមានប្រសាសន៍ថា ប្រាក់រង្វាន់តាមអនុក្រឹត្យរាជរដ្ឋាភិបាលសម្រាប់កីឡាអាស៊ីហ្គេម “Asian Games” មេដាយមាសទទួលបានប្រាក់រង្វាន់ចំនួន ៨០,០០០,០០០ រៀល មេដាយប្រាក់ទទួលបានប្រាក់រង្វាន់ចំនួន ៤០,០០០,០០០រៀល និងមេដាយសំរឹទ្ធទទួលបានប្រាក់រង្វាន់ចំនួន ២៤,០០០,០០០រៀល ។
ក្រុមហ៊ុនស្រាបៀរអង្គរ ដែលធ្លាប់ប្រកាសផ្សល់រង្វាន់ដល់ជ័យលាភីនោះ ហាក់ដូចជាស្ថិតនៅក្នុងភាពស្ងប់ស្ងាត់នៅឡើយទេ ។
សូមបញ្ជាក់ថា កាលពីប្រកួតកីឡាអាស៊ីលើកទី១៧នៅសាធារណរដ្ឋកូរ៉េនោះ កីឡាការិនីតេក្វាន់ដូស៊ន សៀវម៉ី ដណ្ដើមបានមេដាយមាសមួយគ្រឿង ដែលមេដាយនោះ ត្រូវបានសម្ដេចអគ្គមហាសេនាបតីតេជោហ៊ុន សែនផ្ដល់រង្វាន់លើកទឹកចិត្តបន្ថែមចំនួន១០.០០០ដុល្លារអាមេរិក៕
Source: Kampuchea Thmey Daily
0 Comments