សៀមរាប ៖ គ្រោះថ្នាក់ចរាចរណ៍មួយ បានកើតឡើងគួរឲ្យរន្ធត់ ដោយសារអ្នកបើកម៉ូតូស្រវឹងស្រា បើកម៉ូតូជ្រុលទៅបុករថយន្ដ ក្នុងទិសដៅច្រាសទិសគ្នាបណ្តាលឲ្យស្លាប់ទាំង២នាក់នៅនឹងកន្លែងយ៉ាងអាណោចអាធ័ម។
ហេតុការណ៍នេះបានកើតឡើងនៅវេលាម៉ោង២១និង៣០នាទី ថ្ងៃទី៣១ ខែកក្កដា ឆ្នាំ២០១៨ ស្ថិតក្នុងភូមិ ស្វាយជយឃុំត្រពាំងធំ ស្រុកប្រាសាទបាគង ខេត្តសៀមរាប។
មន្ត្រីសមត្ថកិច្ចបានឲ្យដឹងថា មុនពេលកើតហេតុមានម៉ូតូមួយគ្រឿងម៉ាកហុងដា សេ១២៥ ស៊េរី ០៥ ពណ៌ខ្មៅ ស្លាក់លេខ សៀមរាប 1D-2749 អ្នកបើកបរឈ្មោះ ណាត ភា ហៅ ឌៀប ភេទប្រុស អាយុ១៩ឆ្នាំ នៅភូមិស្វាយជយ ឃុំត្រពាំងធំ ស្រុកប្រាសាទបាគង។ បានបើកទៅបុកឡានបណ្តាលឲ្យស្លាប់ភ្លាមៗនៅកន្លែងកើតហេតុ។ ចំណែកអ្នកជិះពីក្រោយ ឈ្មោះ ហ៊ាន វ៉ាន់នេត ហៅ ដូង ភេទប្រុស អាយុ២០ឆ្នាំ នៅភូមិជាមួយគ្នា ក៏ស្លាប់ដែរ។ ឯរថយន្តបើកបរពីទិសខាងកើតទៅលិច ម៉ាក Kai ពណ៌ខៀវ ពាក់ស្លាកលេខ សៀមរាប 3A-1681 បើកបរដោយឈ្មោះ មិនស្គាល់អត្ដសញ្ញាណ។ ក្រោយពេលកើតហេតុរួចអ្នកបើកបររថយន្ដបានរត់គេចខ្លួនបាត់។
ចំណែកសាកសពទាំង២នាក់ បានប្រគល់ឲ្យបងប្អូនយកទៅធ្វើបុណ្យតាមប្រពៃណី។ រថយន្ដនិងម៉ូតូត្រូវបានសមត្ថកិច្ចអូសយកមករក្សាទុកនៅអធិការដ្ឋាននគរបាលស្រុកដើម្បីចាត់ការតាមផ្លូវច្បាប់៕
Source: Kampuchea Thmey Daily
0 Comments