កំពូលទូរស័ព្ទឆ្លាតវៃ OPPO Find X របស់ OPPO បានមកដល់ប្រទេសកម្ពុជាហើយ។ ទើបតែលេចមុខជាផ្លូវការលើទីផ្សារប្រទេសកម្ពុជានៅថ្ងៃទី៥ ខែសីហានេះ តែOPPO Find X បានផ្ដល់ភាពភ្ញាក់ផ្អើល និងភាពទាក់ទាញគួរឲ្យកត់សម្គាល់ ដោយសង្កេតឃើញថា ចំនួនលក់ចេញមានការកើនជាលំដាប់ លើសពីការរំពឹងទុករបស់ក្រុមហ៊ុន។
មានអតិថិជនជាច្រើនបានមករង់ចាំទទួលយកFind Xដែលខ្លួនបានធ្វើការកុម្ម៉ង់នៅតាមហាងទូរស័ព្ទនានា ហើយមកទល់ពេលនេះគឺមានហាងលក់ទូរស័ព្ទជាច្រើនដ៏បានដាច់ស្តុកផងដែរ ក៏កំពុងតែធ្វើការកុម្ម៉ង់បន្ថែមពីខាងក្រុមហ៊ុនOPPOផងដែរ។
ដូចពាក្យដែលគេធ្លាប់បាននិយាយអីចឹង! របស់ដែលមើលឃើញលើអ៊ីនធឺណិតជាច្រើនរយដង មិនស្មើនឹងបានកាន់ក្នុងដៃដោយផ្ទាល់ម្ដងឡើយ។ ពេលដែលអ្នកកាន់ OPPO Find X ក្នុងដៃ អ្នកនឹងមានអារម្មណ៍ហាក់បីដូចជាកាន់គ្រាប់ពេជ្រខៀវដ៏ធំមួយនៅក្នុងដៃអីចឹង ព្រោះថារូបរាងរបស់ទូរស័ព្ទកំពូលមួយនេះ រចនាឡើងយ៉ាងប្រណិត ពន្លឺចែងចាំងស្ទើរគ្រប់ជ្រុងនៃទូរស័ព្ទ។ នេះជាចំណុចទាក់ភ្នែកមួយដែលទូរស័ព្ទដទៃទៀត មិនទាន់មានដូចនៅឡើយទេ គិតត្រឹមផ្នែករចនានៃរូបរាង។
ចំណុចពិសេសរបស់កំពូលស្មាតហ្វូនចុងនេះមានត្រង់ផ្ទៃអេក្រង់ពេញ រួមជាមួយមុខងារកាមេរ៉ា Pop-up បង្កប់នៅខាងក្នុងតួម៉ាស៊ីន។ Find X ក៏នឹងប្រែក្លាយជាស្មាតហ្វូនរចនាបថអេក្រង់កោង ហើយមានកាមេរ៉ាភ្លោះក្រោយ ទំហំ 20MP+16MP។
Find X មានថាមពលថ្ម ៣៧៣០ mAh។ កាមេរ៉ាមុខទំហំ 25MP លាយឡំអេក្រង់ធំដល់ ៦,៤ អ៊ីញ ប្រភេទ AMOLED។ ទូរសព្ទដែលបញ្ជាក់ពីភាពទាន់សម័យរបស់អ្នកមួយនេះ មាន ២ ពណ៌គឺBordeaux Red និងGlacier Blue ហើយត្រូវបានលក់ក្នុងតម្លៃ៨៩៩ដុល្លានៅទីផ្សារប្រទេសកម្ពុជា៕
Source: Kampuchea Thmey Daily
0 Comments